Libera nos a malo

Update

2009-01-19T21:39:00.001Z

Það er komið net í Bólstaðahlíðina, og meira en 3 mánaða netleysi lokið. Þar með gæti ég líklega farið að blogga reglulega... Spurning hvað gerist. Netleysið hefur eiginlega gert það að verkum að maður er orðinn alveg út úr öllu nethangsi. Í ofanálag virðast flestir kringum mann ekki nenna að blogga heldur... Allir á facebook... En ég fer allavega að verða ínáanleg á msn á ný, sjáumst bara þar! ;)

Flutningar og fleira skemmtilegt

2008-12-12T17:57:00.003Z

Ég er búin að komast að þeirri niðurstöðu að ég þarf að eiga stórt þvottahús í framtíðinni. Þetta misskilst líklega auðveldlega... mér finnst ALLS EKKI gaman að þvo þvott. Sem er líklega ástæðan fyrir því að þegar ég tek mig og geri það loksins bíða að minnsta kosti 4-6 vélar sem ég vil
þá bara KLÁRA á sem skemmstum tíma. Það útheimtir aftur á móti óhemju þurrk-pláss og þar kemur stóra þvottahúsið inn í myndina, þarf að vera pláss fyrir allar snúrurnar sem ég ætla mér að nota... Eða þá að maður fái sér effektívan þurrkara bara. Annars finnst mér líka hauga leiðinlegt að brjóta saman þvotti, svo að það er ágætt að leyfa fötunum að hanga soldinn tíma á snúrunni svo ég geti safnað orku og kjarki í millitíðinni.

En ég stend sem sagt á haus í þvotti þessa stundina og orðin uppiskroppa með snúrupláss, sveiattan. Hreina þvottinum verður síðan pakkað beint ofan í töskur (meðan töskupláss endist) og smám saman dregst vonandi draslið hérna saman í flutningshæft ástand. Því þrátt fyrir að pappírsvinnan kringum þennan leigusamning hafi gengið öll á afturfótunum í vikunni stefnir allt í að við flytjum núna á sunnudag eða mánudag í það síðasta :D Það verður óskaplega indælt, þá tekst manni kannski að ná upp einhverjum metnaði fyrir að hafa ekki allt í drasli hjá sér og komast vonandi í eitthvað örlítið jólaskap... það gengur nefnilega líka eitthvað voða takmarkað, þrátt fyrir að ég föndri jólaskraut og syngi jólalög í vinnunni flesta morgna. Jólalögin fá allavega að óma meðan ég held áfram að taka til, og aldrei að vita nema ég skrifi á nokkur jólakort milli þvottavéla... og skoli þessu svo öllu niður með smá jólabjór í kvöld ;)

Tilraun til upprisu

2008-12-05T21:51:00.002Z

Jæja, þá er komið að því að reyna að endurvekja þetta auma blogg, þegar meira að segja mamma mín er farin að tjá sig um þögnina sem hér hefur ríkt...

En ég er sem sagt, eins og ég vona að flestir viti nú, löngu komin heim frá Póllandi og snúin frá Danmörku til Íslands. Það var ekki alveg sársaukalaust, þó að það hafi verið indælt að hitta alla Íslendingana sína á ný tók við ansi langdreginn og leiðinlegur kafli þar sem árangurslaus atvinnuleit og húsnæðisleit ásamt almennum blankheitum og óvissu gerði sálartetrinu gramt í geði. Því er ekki að neita að ég óskaði þess oft á þessum vikum að ég hefði bara verið kyrr í Skandinavíu og þyrfti ekki að pæla í öllu þessu rugli... Hress og sjúskuð partý um hverja helgi bættu ástandið nú samt að einhverju leyti ;) Kórinn hefur alltaf staðið fyrir sínu!

En allt rugl tekur enda um síðir... eða dregur úr því að minnsta kosti. Síðustu 2 vikurnar hef ég verið að kenna forföll upp á næstum hvern dag í Skólanum á Heimsenda og á morgun er stefnan að hitta verðandi leigusalann okkar og skrifa undir húsaleigusamning... Ef allt gengur að óskum verður svo flutt öðru hvoru megin við næstu helgi :D

Akkúrat núna sit ég svo bara með snakk og gos og drekk í mig hámenninguna Mamma Mia með tveimur gelgjum og veikum ketti. Það er þó aldrei að vita nema kvöldið beri eitthvað annað og meira með sér, partý sem býður og spurning að kíkja, þó ekki sé nema til að skála fyrir Þóri - sem rúllaði upp mastersvörninni sinni í morgun og er nú opinberlega orðinn verkfræðingur :D Til hamingju með það, ástin mín ;*

Farewell to Poland

2008-10-20T22:18:00.002Z

Já, þá líður að leiðarlokum...

Ég fer frá Kraków kl. eitt á morgun, rúta til Katowice, flug til Malmö, verð komin til Kaupmannahafnar um sjöleytið vonandi. Á miðvikudaginn þarf ég að redda skrilljón hlutum þar, en á fimmtudaginn lendi ég svo á Íslandinu fagra, og get farið að deila áhyggjum ykkar hinna af the big finance crisis. Hef ekki verið of dugleg að blogga þessa síðustu daga (fremur en endranær), en myndir frá ferðinni koma inn á picasa albúmin mín fljótlega eftir heimkomu. Netið hér hefur einfaldlega verið of hægt til að það sé séns að setja þær inn. Ferðasaga, umfram það sem nú þegar hefur birst, verður svo bara sögð munnlega... Enda er skylda fyrir alla að finna sér tíma til að hitta mig sem fyrst!! Er allavega ekki að koma til lands frosts og fjármálakreppu til að hanga ein með sjálfri mér og láta mér leiðast...!! Svo, gott fólk, nú er um að gera að panta tíma meðan dagskráin mín er enn frekar laus ;)

Af því allir eru að tala um efnahagsmál...

2008-10-09T12:37:00.010Z

...bloggað laust fyrir miðnættið í gær, miðvikudag - sökum tæknilegra erfiðleika (lesist: krappý nettengingar sem ég er að stela frá einhverjum í næsta húsi) reyndist ómögulegt að koma færslunni á netið fyrr en nú...

Við stóðum við orð okkar og fórum og skoðuðum Smocza Jama á sunnudaginn. Drifum okkur "snemma" á fætur (m.v. að það var sunnudagur allavega!) og vorum komin af stað í túristaleiðangur um 11 leytið. Þrömmuðum upp í gegnum Wawel kastalann og niður laaaangan hringstiga inn í hellinn, svo kemur maður út við ánna Wisłu.

Drekinn ákvað að spúa eldi einmitt meðan Hjalti var að pósa ;)

Veðrið var gott og við nenntum ekki beint heim aftur að gera ekki neitt, svo að við settumst inn á bátakaffihús á ánni. Þaðan nenntum við enn ekki heim, svo við fengum okkur spássitúr meðfram ánni. Ég var agalega hrifin af útsýninu yfir og við ána, og smellti af einhverjum slatta af myndum, þær enda vonandi á netinu einhvern daginn þegar tengingin mín er hraðari en hér! Á göngunni rákum við augun í þessa byggingu...

...sem reyndist við nánari skoðun vera kirkja + klaustur, kallað Skałka. Þar eyddum við ágætum tíma í að rannsaka garðinn í kring, en þar var bæði einhvers konar brunnur tileinkaður dýrlingi kirkjunar og svo ógurlegt altari, tileinkað sjö öðrum helgum Pólverjum, m.a. var páfinn þarna og einhverjir kóngar og drottningar sem höfðu unnið sér sitthvað til heilagleika. Undir kirkjunni var síðan ógurlegt grafhýsi, þar sem nokkrir vel þekktir Pólverjar liggja grafnir. Frekar flott alltsaman :)

Bliknaði þó í samanburði við það sem blasti við þegar inn í kirkjuna kom, en hún var með þeim fallegri sem ég hef séð. Eyddi löngum tíma í að reyna að sannfæra myndavélina mína um að það væri hægt að taka myndir án flass en í fókus... það tókst svona temmilega ;)

Frá Skałka héldum við svo loks áfram og höfðum ákveðið að rölta inn í Kazimierz til að borða. Á leiðinni rákumst við samt á aðra kirkju, sem við gátum ekki sleppt að kíkja inn í líka. Hún var ekki slæm, meira svona allt gyllt og klassískt... Á báðum stöðum lentum við ofan í sama skólahópnum, sem var greinilega á einhvers konar kirkjurölti (sáum þau svo enn einu sinni fyrir utan þriðju kirkjuna), sem var ágætt, erfiðara að hafa samviskubit yfir að trufla bænagjörð fólks með því að vera að ráfa um og taka myndir þegar 20 unglingar eru hlaupandi um :p

Eftir þennan ofur kirkjurúnt tókum við strikið beint aftur á hljóðfærastaðinn, þar sem við borðuðum um daginn, í Kazimierz. Hann olli ekki vonbrigðum frekar en áður, svo við sátum í næstum 2 tíma og borðuðum og drukkum Paulaner :D

Mér finnst píanóið í gólfinu alveg ógurlega kúl...

Þessi "rólegi sunnudagur með smá túristastælum" varð s.s. alveg frekar brjálaður á endanum. Um kvöldið enduðum við svo á bar með Mörtu og meðleigjundum hennar, þó við sætum nú ekki fram á nótt í þetta sinn ;)

Í gær var aftur á móti mega partý, Marta átti afmæli og hélt veislu á Tygiel pub, þar var dansað, sungið og drukkið af afli fram á nótt! :D Ég veifaði myndavélinni óspart (eða aðrir í minn stað) og myndir eru á leiðinni inn á netið, svona eins hratt og lélega stolna nettengingin mín leyfir... Þær er (eða verður!) að finna hér (ath. ný myndasíða, hin er orðin næstum full...) Mæli endilega með að þið skoðið þær, ekki hægt að troða öllum myndum hér inn... finnst eiginlega full mikið af þeim nú þegar, en svona "svo fórum við og skoðuðum þetta og þetta og þetta" frásagnir eru ekki mjög skemmtilegar annars :/ Hvað er líka gaman af myndum ef maður sýnir þær engum! ;)

Fréttir, fréttir og myndir!

2008-10-04T21:51:00.014Z

Jæja, hvað varð nú um bloggdugnaðinn mikla... Best að reyna að halda honum við ;)

Um síðustu helgi fórum við Hjalti, Marta og Tomek til Lanckorona, gamals smábæjar við rætur fjallanna. Lögðum af stað um hádegi á laugardag að leita að rútunni okkar á ansi frumstæðu og óskipulögðu rútubílastæði niðri í bæ, þar sem smárútur komu og fóru án þess að það virtist vera nein regla í gangi. Þegar við mættum á staðinn var bíllinn okkar hvergi sjáanlegur og ekki hressti það okkur mjög mikið þegar maður vatt sér upp að okkur og útskýrði að næsta rúta á undan, sem átti að fara kl. 10, hefði bara aldrei komið! Allt fólkið sem hafði ætlað með henni var s.s. bara enn að bíða... Við stóðum því og tvístigum í svona 20 mínútur, þar til bölvaður bíllinn mætti loks örfáum mínútum fyrir eitt, þá tók við kapphlaup og troðningur að koma sér inn, þar sem að bíllinn var ekki alveg að höndla þennan tvöfalda skammt af fólki. Það tókst samt og við náðum í sæti aftast í bílnum, sem varð á endanum frekar mikið troðinn...!

Við sátum svo bara eins og sardínur í dós þar til við komumst á leiðarenda. Það kom í ljós að það var einhvers konar ljósmyndanema-ráðstefna í gangi í þessum bæ og í þeim hóp voru krakkar sem Tomek kannaðist við, svo við byrjuðum á að þramma með þeim inn í skóg að leita uppi gamla sundlaug - þurftum hvort eð er að bíða 2-3 tíma eftir að komast inn á hostelið, sem var bara lok lok og læs til kl. 17. En sundlaugin í skóginum var nú bara frekar flott, gat alveg séð fyrir mér að það væri kúl að baða sig þarna á heitum sumardögum...

Alveg sniðið fyrir sundlaugarpartý líka, væri hægt að hafa grill og drykki á bakkanum og svona ;)

En hún hefur víst ekki verið notuð í mörg ár, og stendur venjulega tóm, bara vatn í henni núna því að það var búið að rigna svo mikið. En þetta var einmitt fyrsta helgin í nokkrar vikur sem var gott veður, við heppin :D veðrið var svo reyndar fínt meira og minna í vikunni, nema í dag var hellirigning á ný, ógurlega haustlegt veður og laufin hrundu af trjánum...

Tomek að fara að stinga sér til sunds :D

Eftir að við komumst svo inn á hostelið fórum við og fengum okkur að borða í bænum, sem var voða lítill og sætur með fullt af gömlum tréhúsum frá 19.öld, um kvöldið var svo drukkið á hostelinu, fyrst með ljósmynda-nemunum, en þegar þau (og Tomek) voru farin að ljósmyndanördast full mikið, setja upp stúdíó í einu herberginu og fara út að taka myndir af stjörnunum og svona (grunar að ég viti núna hvernig ekki-kórfólk upplifi söng stemninguna í kórpartýum! :p) enduðum við Marta og Hjalti bara á kojutrúnó í staðinn ;)

Daginn eftir þrömmuðum við upp að kastalarústum sem eru í hlíðinni ofan við bæinn, byggður af Kazimierz mikla á 14.öld skildist mér, og þrömmuðum svo eitthvað meira gegnum skóginn, týndumst smá í leit að einhverri kirkju (sem ég held samt við höfum fundið á endanum, eða þá að við fundum allavega einhverja aðra kirkju) og lágum svo í leti í sólinni á bæjartorginu meðan við biðum eftir rútunni til baka. Myndasyrpa...:

Kastali.

Marta og Tomek í skóginum.

Kirkjugarðurinn við þessa kirkju sem við fundum svo á endanum var frekar voldugur.

Marta, Tomek og Hjalti í sólinni.

Gömlu húsin í Lanckorona.

Við biðum reyndar víst eftir rútunni á vitlausum stað, en hún stoppaði nú samt þó við fengjum smá tiltal fyrir að vera ekki á "réttu stoppistöðinni". Það reyndist aftur á móti vera afar heppilegur misskilningur hjá okkur þar sem að allt ljósmyndara liðið kom upp í þar og bíllinn var á endanum enn troðnari en í fyrra skiptið, en þá vorum við löngu búin að koma okkur vel fyrir í sætunum ;)

Á mánudaginn héldum við svo aftur í skólann. Seinnipartinn fórum við í mjög áhugaverða skoðunarferð til Nova Huta, hverfis sem var planað og byggt að fyrirskipan Stalíns á 6.áratugnum og er hugsað sem eins konar útópísk kommúnistaborg, en ég gleymdi því miður myndavélinni heima :( stefnum samt á að fara þangað aftur seinna, skoða aðeins meira á okkar eigin vegum og taka þá myndir... sjálfsagt nóg overload af myndum í þessari færslu samt! ;)

Síðan þá höfum við bara eytt tíma okkar meira og minna í skólanum á daginn og á kaffihúsum og börum á kvöldin ;) Ég hef ekki verið alveg nógu dugleg að veifa myndavélinni við svoleiðis tækifæri, en suma staði eigum við nú pottþétt eftir að heimsækja aftur, t.d. einn æðislegan stað í Kazimierz hverfinu þar sem allt er skreytt með (mis)gömlum hljóðfærum, mjög töff - og góður matur líka :D Þar smakkaði ég annars einmitt afar spes útgáfu af bjór, hélt ég væri bara að panta venjulegan bjór "með djús" (þá er sett síróp, yfirleitt með hindberjabragði, út í bjórinn, voða vinsælt stelpu-dæmi hér) en þá reyndist hann vera heitur! Mjög sérstakt, og ekki eins vont og það hljómar, en kannski ekki eitthvað sem ég mun leggja í vana minn að drekka heldur ;)

Eitt kvöld tók ég þó myndavélina með, aðallega til að festa nýja háralitinn minn á filmu ;D

Ótrúlega mikið í stíl við vegginn...!

Í gær, föstudag, var svo síðasti kennsludagur úr þessu námskeiði, sem endaði með prófskírteinaafhendingu og kveðjuhófi. Þar var teigaður ókeypis bjór milli 2 og 4, svo þegar við komum heim fannst okkur ekkert taka því að hætta að drekka svo við skelltum í okkur því sem til var af bjór í ísskápnum og héldum svo niður í bæ um sexleytið. Það var þó greinilega ekki mínútu of snemma - háskólinn er nýbyrjaður og allir stúdentarnir greinilega mættir á djammið, svo að það var með naumindum að við fengum borð. Marta og Tomek joinuðu svo aftur síðar um kvöldið, og við sátum að sumbli fram undir miðnótt. Dagurinn í dag fór svo bara í þynnku, pizzuát, þvæling í Galeria Krakowska og árangurslausa sokkaleit, og svo videógláp nú í kvöld. Á morgun stefnum við á að vera hressari, túristast í Smocza Jama (drekahellirinn undir Wawel kastalanum) og hugsanlega tékka á sunnudagsstemningunni á börunum ;) Eftir helgina byrjar nýtt námskeið og þá förum við í framhaldshóp, en þeir byrja ekki fyrr en á þriðjudag, svo það er um að gera að nýta 3 daga helgina ;D

ps. Hef greinilega smitast frekar mikið af mynda-brjálæðis-bloggum frá Birnu, sorry Birna mín að ég sé að herma!

Flöskudagur

2008-09-26T17:12:00.003Z

Nú erum við búin að læra pólsku í viku, og hver skyldi árangurinn vera? Látum okkur sjá...

Mam na imię Sigrun i mam dwadzieścia trzy lata. Jestem z Islandii ale teraz mieszkam w Kopenhadze. Jestem przewodnikiem ale szukam nowej pracy. Szukam też mieszkania na Islandii. Mam na Islandii moja rodzina i mój chłopak. Teraz jestem w Polsce, w Krakowie, bo uczę się języka polskiego. Język polski jest trudny, ale ja interesuję się językami obczymi. Dzisiaj jest piątek i mam piwo!

Ábyrgist þó að það er slatti af stafsetningar/málfræðivillum í þessu ;) Annars er allt hið besta að frétta, veðrið breyttist loks til hins betra í dag og flóa/flugubita faraldurinn sem ég lenti í er í rénun (segi kannski betur frá honum síðar), hætt að líta út eins og nashyrningur en er meira eins og ég sé með svona gasalega myndarlega nornavörtu á nefinu... Læt ekki sjá mig utandyra án plásturs enn allavega :p Stefnan er á bíó í kvöld og ferðalag til Lanckorona á morgun. Þá fæ ég kannski loksins tækifæri til að smella af einhverjum myndum án þess að finnast ég eitthvað furðuleg...

Annars óska ég ykkur bara gleðilegs flöskudags og vona að sem flestir finni sér eitthvað sniðugt að gera um helgina :D Miłego weekendu i na zdrowie!

Auf Polnisch

2008-09-23T19:06:00.002Z

Jestem w Krakowie! Og hér er sko fjör...

Búin að vera í tímum í tvo daga, fer alveg að koma að því að maður geti sagt eitthvað af viti. Það er kennt frá 9.30-14 og svo er eitthvað kúltúral prógramm flesta seinniparta. Hingað til höfum við reyndar skrópað báða dagana; í gær slepptum við sightseeing um Kraków til að hafa tíma til að kaupa símakort og strætókort og fara með Mörtu á kaffihús - í dag ákváðum við svo að fórna þjóðdansakennslu til að læra heima. Það verður væntanlega möguleiki á að dansa aftur einhvern daginn í seinni helmingi mánaðarins þar sem prógrammið rúllar á 2ja vikna tímabilum. Ég skellti mér samt í welcome party í gær og endaði á að joina hóp af Þjóðverjum á bar eftir það. Þýskan mín fær kannski álíka þjálfun og pólskan hér, a.m.k. eru vel ríflega helmingur þátttakenda í skólanum þýskumælandi. Jafnvel þeir sem ekki eru frá Þýskalandi (heldur t.d. Úkraínu og Frakklandi) tala oftar en ekki þýsku til að fá að vera með í hópnum... En eftir tvær vikur verða náttúrulega allir orðnir reiprennandi á pólsku sem verður þar með lingua franca næturlífsins, er það ekki!? ;)

Maður er svo annars auðvitað best farinn að kynnast þeim sem eru í sama bekk, enda eyðir maður tæpum 5 tímum á dag í návist þess hóps. Í hópnum okkar eru 11 manns, á öllum aldri og af fimm þjóðernum. Þar er Lynn frá Philadelphia, afskaplega mikill Kani en samt afskaplega næs, líklega sú sem kann mest en finnst hún ekkert vita og neitaði að færa sig upp í erfiðari hóp þegar kennarinn bauð það. Aðrir enskumælandi eru hressi Írinn James og the real English gentleman Carl, svo afskaplega high-middle class Breti að maður verður stundum að passa sig að fara ekki að hlæja. Restin eru svo Þjóðverjar; píanóleikarinn Marianne sem er að læra pólsku til að geta auðveldar farið í framhaldsnám í slavneskumælandi landi og ruglukollurinn Erwin sem virðist ekki alveg vita hvernig hann endaði þarna; hin feimna Corinne, sem á pólskan eiginmann og verður alltaf óskaplega vandræðaleg þegar fólk á í erfiðleikum með að bera fram þýsk-pólska eftirnafnið hennar; Andreas, frekar þögull og til baka en alltaf með allt á hreinu og sneggstur að öllu; og að lokum félagarnir Alfred og Ingo sem eru aldurforsetar hópsins, yndislega indælir en afskaplega kómískir og frekar utan við sig - Hjalti kallar þá Skafta og Skapta og það er víst nokkuð nærri lagi ;)

Í kvöld er annars fyrsta kvöldið í ferðinni sem ég er blá-edrú, þetta er náttúrulega ekki hægt, en inn á milli er nú líka kannski í lagi að taka því rólega :p Á morgun stefnum við á Jazz konsert og þá heimta ég meira fjör! Í millitíðinni finnst mér að þið eigið að kommenta, eruð þið nokkuð öll búin að gleyma mér?!

Í gær, í dag, á morgun og hinn

2008-09-20T11:59:00.003Z

Í gær vaknaði ég fyrir allar aldir, pantaði flutningabíl, hreinsaði restina af eigum okkar út úr íbúðinni á Svanevej, hitti húsvörðinn, skrifaði undir útflutningspappíra og skilaði lyklunum, tæmdi búslóðina okkar út úr geymslunni (eða jah, það var reyndar Þórir sem gerði það að mestu), beið eftir flutningabíl sem kom allt of seint, flutti farangurinn sem átti ekki að fara í skipið á hótel, fór í vinnuna (meðan Þórir, Gaui og Ketill fóru með flutningabílnum til Hvidovre og pökkuðu á brettin), borðaði með Gauja, Kristínu og Katli og var þreytt. Ógeðslega þreytt.

Í dag vaknaði ég um tíuleytið, enn frekar fáránlega mygluð, tékkaði út af hótelinu, fór með eina tóma gítartösku í póst, tók lest niður á Kastrup, kvaddi og knúsaði Þóri og bíð nú eftir rútu til Malmö. Þaðan liggur leiðinn á flugvöllinn í Sturup, til Katowice og svo aftur með rútu til Krakár. Þangað verð ég komin um 10 leytið í kvöld og Marta ætlar að bíða eftir mér á rútubílastöðinni :D

Á morgun fer ég og hitti host-manneskjuna mína í Kraká, stefni á að kaupa mér pólskt símanúmer og strætókort og sækja Hjalta á flugvöllinn.

Á mánudaginn hefst síðan skólinn, "information meeting" um morguninn þar sem prógramm næstu tveggja vikna ætti að koma í ljós, og svo tímar strax frá kl. 10!

Við erum búin að hafa svo marvíslegar áhyggjur af öllu mögulegu síðustu daga og vikur að núna, þegar allt virðist vera smollið saman og maður getur farið að hugsa lengra en hálfan dag fram í tímann án þess að fá svima, veit ég varla hvað ég á að gera af mér! Það er góð tilfinning að geta loksins leyft sér að hlakka til næstu vikna án þess að hafa sífellt "en fyrst þarf að..." í bakþankanum. Kraków, here I come! :D

Líður að lokum

2008-09-15T18:44:00.003Z

Í dag er mánudagur. Á laugardaginn yfirgef ég Nørrebro og Kaupmannahöfn og held á vit ævintýranna í Kraká! Það er kannski eins gott að maður er að láta sig hverfa; nýnasista-vinir nágranna okkar í Hells Angels og innflytjendagengin hér í hverfinu eru eitthvað hvumpnir hverjir út í aðra þessa dagana og taka upp á því 2-3x á dag að skjóta eitthvað út í loftið. Ég er reyndar greinilega hálf-blind og heyrnarlaus gagnvart þessu því að aldrei verð ég vör við neitt, fyrr en það birtist í fréttum. En það er heldur engin ástæða til þess að bíða eftir því að maður lendi á vitlausum stað á vitlausum tíma...

Er í óðaönn að leysa upp heimilið þessa dagana, pökkunin er hætt að fylgja neinum rökréttum flokkunarlögmálum heldur ráfa ég bara um íbúðina og gríp það sem ég kem auga á og get sannfært mig um að þurfi ekki að nota þessa fáu daga sem eftir eru. Í síðustu tösku (jámm, við erum uppiskroppa með kassa en eigum nóg af töskum) lentu þrjár þykkar skólabækur, kökukefli, hárþurrka, skotapils, stuttbuxur, pönnukökupanna, skype-heyrnatól og tvær þykkar peysur. Í þeirri sem stendur opin á gólfinu núna eru so far brauðgrill, steikarpanna, sigti og kortabók. Var að ljúka við að bera kassa og plast-innpökkuð húsgögn niður í geymslu, fyrr í dag tætti ég svo sundur fataskápinn og kom honum út í gám svo að nú er gólfið í íbúðinni að mestu þakið haugum af fötum. Það litla borðpláss sem enn er eftir er hulið eldhúsáhöldum og pappírum sem ég veit ekki hvað ég á að gera við. Það verður annað hvort á morgun eða föstudaginn sem við losum okkur við öll húsgögn og á fimmtudaginn þarf að þrífa hátt og lágt og skila lyklum á föstudagsmorgun. Þá verður vonandi hægt að eyða næsta mánuðinum í pólskunám og fjör með góðri samvisku! :D

Mér finnst alltaf hálf dramatískt að flytja, en kannski bara af því að það er töluvert meira fyrirtæki að flytja milli landa. Formlega flyt ég reyndar ekki frá Danmörku fyrr en ég kem til Íslands - kringum 20.okt, þið getið farið að telja niður! ;) - en engu að síður kem ég ekki til með að eiga heimili aftur fyrr en okkur verður búið að takast að finna eitthvað húsnæði sem okkur hugnast að fjárfesta í á Íslandi. Vonandi verður það ekki of langt þvælingstímabil... þó að það sé gaman að þvælast og flakka er nefnilega þægilegra að eiga eitthvað "heim" til að snúa aftur til...

Arftaki Bjarkar?

2008-09-08T18:54:00.002Z

Heyrt í vinnunni:

Pirrandi Dani með aulahúmor: Hey, ertu frá Noregi?
Ég: Nei, frá Íslandi reyndar.
Daninn: Ah, þekkirðu þá ekki Bobby Fisher? hahahah...

Viðkomandi virtist reyndar ekki þekkja betur til Fisher málsins en svo að það kom honum mjög á óvart að heyra að hann væri dauður og grafinn, svo maður ætti kannski ekki að ergja sig of mikið... ;)

Ég ætlaði annars að vera voðalega dugleg í dag, en afrek dagsins fram að þessu hafa ekki innihaldið meira en verkjatöfluát, svefn, msn og bloggerfikt. Og jú, ég setti reyndar í þvottavél. Mér finnst að það ætti ekki að vera leyfilegt að vera svona tuskulegur þegar maður hefur nóg annað við tímann að gera! Ætlaði að fara að horfa á Hvem vil være millionær? en komst svo að því að Zattoo (sjónvarpsveitan mín á netinu) er hætt að virka nema maður borgi fyrir hana. Svindl. Ég held þá bara áfram að bíða eftir að Wall-E downloadist. Flutningar á næsta leyti, íbúðaleit í fullum gangi. Þekkir nokkurt ykkar einhvern hér í Kaupmannahöfn sem vantar sárlega stóran (!) ikea-fataskáp? Gefins og allt... Og hvar á maður að leita sér að vinnu á Íslandi???

Svipmynd af fimmtudagskvöldi

2008-08-14T20:54:00.002Z

Fúli Ítalinn á horninu var ekki hrifinn þegar ég skaust inn klukkan tíu mínútur í tíu og sagðist ætla að fá tvær litlar pizzur. Hann horfði grunsemdaraugum á klukkuna og bölvaði mér í hljóði meðan ég settist niður og blaðaði í Sterling Magazine.

Afgreiðslustrákurinn í 7-11 var öllu glaðbeittari og sérstaklega hýrnaði yfir honum þegar ég sagðist ætla að borga með korti, enda bannað að vera með nema lágmarksskiptimynd á kvöldin og þungbúni rapparinn á undan mér kláraði hana sjálfsagt alla með því að nota 200 kall til að verlsa hálfan sígarettupakka.

Kúnnaleit hórunnar í kjallaranum hinumegin við götuna hefur væntanlega borið árangur, þegar ég labbaði til baka var búið að loka bílskúrsdyrunum sem annars standa vanalega í hálfa gátt. Það var þó að minnsta kosti ekki heill sportbíll af vinum að bíða fyrir utan og blasta hip hop í þetta sinn.

Eftir að hafa velt því fyrir mér í milljónasta sinn hvort að konurnar tvær sem ég mætti við hornið á blokkinni minni væru að tala sín á milli á arabísku, tyrknesku, persnesku eða einhverju allt öðru máli blasti við mér plömmerinn á einum nágrannanum sem sat og grúfði sig yfir einhverja pappíra innan við upplýstan glugga og minnti mig á af hverju ég ætla aldrei að búa á stuen.

Meðan ég bölvaði ofurbjörtu ljósunum í lyftunni enn eina ferðina velti ég því fyrir mér hvort að ég ætti eftir að sakna hverfisins þegar við flytjum héðan eftir rúmlega mánuð...

Hér sé blogg

2008-08-05T20:53:00.001Z

Það er langt síðan ég skemmti mér jafnvel yfir bloggfærslu eins og þessari hérna.

En það sýnir líklega bara hvað ég er klámfengin og dónaleg í hugsun.

Allt getur maður fundið á wikipediu...

Blogg smogg

2008-06-30T21:55:00.003Z

Þegar manni eru farnar að berast nafnlausar hótanir í kommentakerfinu þorir maður víst ekki annað en að henda inn eins og einni bloggfærslu. Annars eru bloggheimar voða dauðir í augnablikinu, eins og verða vill á sumrin, svo ég hef ekkert voðalegt samviskubit yfir að vera jafn ódugleg og aðrir ;)

Það er bæði mikið og lítið búið að gerast hér í lífi voru síðustu mánuði; fór náttúrulega til Póllands (og Parísar og Berlínar þar á undan) en það er orðið svo langt síðan að það er sjálfsagt búið að segja allt sem sagt verður um þá ferð á netinu nú þegar. Eftir heimkomuna úr þeirri ferð er það bara búin að vera vinna, hangs, djamm og meiri vinna - einmitt fyrsti heili frídagurinn minn í 10 daga nú í dag. Ég er búin að enduruppgötva hæfileika minn til að djamma á kvöldin og mæta í vinnuna daginn eftir - nokkuð sem var orðið ansi háþróað sumarið 2005 - en mér hefur nú tekist að þróa áfram og sneiða hjá þynnkuuppköstum í vinnunni og lækka myglu- og þreytustig til muna. Svona er maður alltaf að eldast og þroskast... En djömm síðustu vikna hafa innihaldið staffadjamm, 17.júní, June-teenth (eitthvað dæmi sem við héldum upp á með skólafélögum Þóris frá Texas), Flogging Molly tónleika og meira staffadjamm...

Allavega, life is good, þó að sólin skíni stundum minna en ég gæti hugsað mér hér í Kaupmannahöfn er ég almennt séð að digga sumarið, sumarvinnuna og Danmörku. Lifið heil!

iTunes og undirmeðvitundin

2008-05-07T17:57:00.002Z

Ég setti iTunes á shuffle (reyndar innan í völdum playlista, en samt, hann er hátt í 300 lög) og hvað haldiði að hafi verið nöfnin á 4 fyrstu lögunum sem fóru í gang?

Skänk i mera mjöd, Whiskey in a Jar, Warm Beer and Cold Women og Alabama Song (Whiskey Bar)... er verið að reyna að senda mér einhver skilaboð eða hvað??

En annars er nú bara rétt um vika í "sumarfríið" mitt, þar sem ég ætla að djamma heilan helling í þremur löndum, svo að það er eins gott að fara að koma sér í gírinn :D Veðrið hér í Kaupmannahöfn er líka mjög bjór- og kokteilavænt í bili, sól og 20°+ hiti! Næstum of mikið barasta, ég flúði allavega úr gallabuxunum í stuttbuxur í dag. Og er að grilla á svölunum, ví :D

Já, ég ákvað svo líka að byrja að skrobbla aftur, sem ég hef ekki gert síðan ég fékk mér nýja tölvu. Ef ykkur langar að njósna...

Fljúgandi rottur og afklipptir fingur

2008-04-14T19:39:00.002Z

Það er eitt sem mér hefur tekist að þróa með mér megna andúð á þessa mánuði hér í Kaupmannahöfn; það eru dúfur. Ég veit ekki alveg hvað það er, sem mér líkar svona illa við. Þær eru bara einhvern veginn allstaðar og mér finnst þær svo... óhreinar, eða eitthvað. Sóðalegar kannski betra orð. Ég er allavega komin með ógurlega sterka tilfinningu fyrir því að dúfur séu ógeðslegar, smá dæmi um það er að eftir að ég sá fyrir nokkrum vikum tvær dúfur setjast á rekka með ávöxtum fyrir utan eina búðina hérna í hverfinu þá hef ég ekki getað hugsað mér að kaupa neitt matarkyns sem hefur verið óvarið utandyra. Kæri mig sko ekki um að borða neitt sem einhverjar ógeðslegar dúfur hafa verið að skríða á, takk fyrir! Lestarstöðva-dúfurnar eru samt verstar, og með lestarstöðina hér gnæfandi yfir okkur þá er sko nóg af þeim, en þeirra helsta einkenni (fyrir utan að vera enn úfnari og sóðalegri en hinar) er að það vantar oftast á þær nokkrar tær, svo þær skakklappast um á mislöngum löppum og eru enn meira krípí en ella. (Ég vorkenni þeim samt stundum pínu og fæ á tilfinninguna að það hljóti að fylgja því sársauki í hverju skrefi að stíga í stúfinn þar sem kannski er bara 1 tá eftir...). Þetta dúfuhatur er samt pínu erfið tilfinning, því að mér er venjulega vel við flest dýr og fugla og finnst þau voðalega sæt og indæl. Fyrir svona 10 dögum tók ég eftir því að það voru dúfur búnar að gera sér hreiður undir þakskegginu á lestarstöðinni beggja vegna við teinana - og ég fann hvernig ég klofnaði í tvennt inni í mér og hugsaði á sama tíma "aww, litlir sætir ungar" og "oj, ekki fleiri ógeðslegar dúfur"!

Ég gerði annars tilraun til þess að klippa eins og centimeter framan af vinstri þumlinum á mér í gær - en það mistókst og í staðinn sit ég uppi með skurð frá naglabandi og niðrúr og bláa og krumpaða nögl sem er enn ekki búin að ákveða hvort hún ætlar að tolla á eða detta af. Svona er að vera klaufabárður.

Einbeitingarleysi og aðrir kvillar

2008-04-10T10:47:00.002Z

Mér er ekkert að ganga að einbeita mér að þessari bók sem ég á að vera að lesa (og ER að lesa... svona inn á milli þess sem ég blogga, hleð myndum á netið og geisladiskum inn í iTunes...) - sem er afar slæmt þar sem ég þarf að skila ritgerð um hana fyrir helgi og á að mæta í vinnuna á morgun! Reyndar hef ég meiri áhyggjur af annarri ritgerð sem ég á að skila á þriðjudaginn, og svo á ég víst líka að fara í heimapróf í næstu viku, úr lesefni sem ég á enn eftir að útvega mér að hluta til... frá Íslandi :s Fjarnám er flókið fyrirbæri, ekki nóg með að það vanti það aðhald og hvatningu sem efnisleg nálægð við skólastofur, kennara og aðra nemendur veitir og aðgangur að námsefninu sé misgóður, heldur skortir mig einhvern veginn allan áhuga, innblástur og lærdómslöngun þegar ég er svona úr sambandi við allt og alla sem náminu við kemur. Finnst þetta allt svo tilgangslaust og dautt eitthvað... þó námsefnið sé ekkert leiðinlegt þá er það svo líflaust og sneytt öllu því sem venjulega gerir hlutina áhugaverða, þegar maður er bara alltaf einn með sjálfum sér :( Pleh... Auðvitað væri ég líklega í betri málum ef ég hefði meira af innbyggðum sjálfsaga og einbeitingu - en ég er greinilega of háð því að þurfa að hafa gaman af hlutunum til að nenna þeim.

En jæja, back to reading! Og vona til að enda þetta á aðeins hamingjusamari nótum þá vorum við Þórir í Noregi um helgina, og það eru komnar myndir á netið :) Vantar reyndar alveg myndir frá laugardagskvöldinu, þá var ég of önnum kafin við að vera hölt til að mega vera að því að veifa myndavélinni, vonast til að fá einhver afrit frá Hafdísi bara ;)

Þreytu- og gleðiblogg!

2008-03-29T19:33:00.003Z

Úff, ég ákvað að það væri sniðugt að blogga... en svo sit ég bara og stari á tóman skjáinn og dettur ekkert í hug að segja.

Hmm... nr. 1: Ég er komin með vinnu hér í Kaupmannahöfn, búin að ráða mig sem guide á kanalabátum og byrja formlega að vinna á þriðjudaginn - var að koma heim núna eftir seinni þjálfunardaginn minn þar sem ég fékk að guida í næstum 9 klukkutíma! Pínu uppgefin, en líka voðalega ánægð, þar sem ég er búin að vera frekar stressuð yfir þessari þjálfun allri - það er örlítið meira en að segja það að blaðra allan daginn á þremur mismunandi útlenskum hverri ofan í aðra og satt best að segja þá var ég á tímabili pínu hrædd um að ég myndi ekki meika þetta! En, um miðjan daginn í dag þá var yfir-guidinn orðinn nógu ánægður með mig til að sleppa mér einni út á sjó með túristana :D Þó að það vanti enn alveg helling upp á ýmsa hluti; danski framburðurinn minn er nú ekkert allt of frábær, danskan og þýskan eiga það gjarna til að þvælast fyrir hvor annarri, um suma staði þarf ég greinilega að lesa aðeins betur og vera fljótari og öruggari á textanum... svona ýmislegt sem hægt er að bæta - þá er ég allavega sloppin í gegnum oplærings-prósessinn og það er mikill léttir :) Verður gott að fá aðeins fleiri plús-tölur inn í heimilisbókhaldið og ég vonast til þess að eiga eftir að skemmta mér vel í vinnunni í sumar, þegar ég verð hætt að hnjóta um orðin og farin að geta notið þess að dreifa ofur-nördalegri vitneskju minni um helstu kennileyti Kaupmannahafnar til túristanna (múhahah!)

Hmm... já, þetta var númer eitt, nr. 2: LOKSINS búin að fá útborgað frá Dominos, vei vei, þá þarf ég ekki að pæla í því máli meir. Nie mehr Dominos, það held ég að sé alveg víst!

Nr. 3 - Wacken miðar eru komnir í hús, úje og húrra, það verður mega gaman :D

Nr. 4 - Um næstu helgi er fyrirhuguð ferð til Noregs, þar sem við Þórir ætlum að heimsækja Hafdísi í Kristianssand - djamm og skemmtilegheit á dagskrá :D

Nr. 5 - Flugferðir og næstum öll gisting fyrir Póllandsferð - sem er nú eiginlega orðin að Evrópureisu, þar sem við verðum fyrst í París í 3 daga og joinum svo kórferðina í Berlín og förum þaðan til Póllands - er nú bókuð og borguð (lesist: komin á vísað), svo þá verður líka mega fjör og djamm og skemmtilegheit með öllu frábæra kórfólkinu! :D

Af þessari upptalningu má sjá að mér veitir víst ekki af því að vinna fyrir einhverjum krónum, til að eiga fyrir öllu djamminu og flakkinu sem fyrirhugað er á næstu mánuðum... danskar krónur eru allavega mun sniðugri en íslenskar þessa dagana, þ.e.a.s. þegar um innkomu er að ræða ;)

En pizzan sem Þórir er búinn að vera svo myndarlegur að baka bíður eftir mér, namm namm, og ég man heldur ekki eftir neinu fleiru til að telja upp í bili...

ps. ég er búin að komast að því að öll dönsk orð sem innihalda hljóðasamsetninguna -ag eru ill... drage og flag og slag eru sérstakir óvinir mínir!

Upp og ofan

2008-03-12T14:33:00.004Z

Einkunnir síðustu annar (og þar með námslán og fjármálin í heild) eru enn í rugli, ég er búin að hringja tvisvar í skrifstofu félagsvísindadeildar og þarf víst að ræða málin við einhverja manneskju sem aldrei er við og svarar ekki þó ítrekað sé búið að biðja hana að hafa samband við mig ;( pirringur...

Í ergelsi mínu eftir síðasta símtal (sem át í þokkabót upp alla inneignina mína) nennti ég ekki í bili að pæla meira í rannsóknarspurningunni "Er Færeyinga saga sérstök saga?", sem ég þarf þó að vera búin að skrifa uppkast að ritgerð um á mánudag/þriðjudag, heldur ákvað að hanga soldið á netinu og horfa á þýsk videó... UN-leikskólinn er nýja uppáhaldið mitt, þetta finnst mér fyndið :D Langar samt að vita hvað Dabbeljunior þýðir (ef það þýðir eitthvað sérstakt...)

En, það er víst best að halda áfram að læra, nóg er að gera!

Jeg keder mig...

2008-03-10T20:42:00.002Z

Já, mér hálfleiðist. Í augnablikinu allavega, þó ég hafi varla ástæðu til þess, gæti verið að lesa fullt af (mis)skemmtilegum námstengdum bókum, horfa á I, Claudius, hanga á Facebook, ganga frá eftir kvöldmatinn eða skúra gólfið... en ekkert af þessu hljómar neitt of heillandi þessa stundina og ég sit bara fyrir framan skjáinn og hangi.

Í ljósi þess sem að ofan er talið líkar mér reyndar ágætlega hvernig Danir orða þetta ástand, jeg keder mig gefur mun betri mynd en mér leiðist, þar sem sögnin er ópersónuleg og fornafnið í þágufalli... hjá Íslendingum er leiði eitthvað sem þvingað er upp á fólk og það hefur lítið sem ekkert um málið að segja - Danir horfast aftur á móti í augu við það að leiði er sjálfskapað ástand sem ég kalla yfir mig.

Jámm, einmitt, þessi litla hugleiðing vakti ykkur væntanlega til íhugunar og fyllti hjörtun gleði... ef ekki þá mæli ég með að þið tékkið á myndaalbúmunum, þar sem ég er loks búin að láta verða af því að dæla inn öllum Finnlandsferðarmyndum m.m. - meira að segja búin að skrifa undirtexta við allt nema myndirnar frá Tallinn, það gerist kannski einn daginn þegar ég er í stuði :)

Bendi á að albúmið "heimilismyndir" er alltaf í smávegis endurnýjun, ýtti því aðeins ofar í röðina til að undirstrika það ;)

Örstutt

2008-03-03T13:53:00.002Z

Ég hef fengið endurnýjaða staðfestingu á því að tequila er illt og ætti ekki undir nokkrum kringumstæðum að koma inn fyrir mínar varir, ekki einu sinni örfáir dropar af því.

Búin með fyrsta verkefni vetrarins, afrekaði það í morgun að fara á fætur kl. 8 og vera komin í lærdómsstellingar kl. 9. Ætli þetta sé fyrirboði nýrri og duglegri tíma?

Bestu þakkir fyrir allar afmæliskveðjurnar :) Fékk mér sushi í tilefni dagsins, partý verður haldið síðar (kannski bara á 24 ára afmælinu...? eða fyrr, hugsanlega).

Svo mörg voru þau orð.

Smá pása frá sjálfsævisagnalestrinum

2008-02-28T17:04:00.002Z

...svona rétt til að láta vita að ég er á lífi.

Ég er s.s. að lesa sjálfsævisögu, afar hresst, þarf að skrifa ritgerð um hana um helgina og skila á mánudaginn. Á þriðjudaginn þarf ég svo að skila útdrætti úr einhverri grein og á fimmtudeginum rúmri viku seinna að skila ritgerð um aðra bók... já, verkefnaskil ákváðu sem sagt að bíta aðeins í rassinn á mér eftir leti febrúarmánaðar.

En það er líka ýmislegt annað sem ég ákvað að væri sniðugt að redda síðustu daga, eins og t.d. að fá mér skattkort (sem gekk brösuglega og er svo í þokkabót eitthvað dularfullt, þarf að láta skoða það nánar...), sækja um vinnu, undirbúa umsókn um húsaleigubætur og reka á eftir því að einkunnirnar mínar sendist til Íslands svo að ég fari að fá fokking námslánin... Urr, bara búin að safna skuldum við bæði bankann og móður mína þennan mánuðinn, og grey Þórir búinn að þurfa að borga flesta hluti... óþolandi ástand - vara hér með alla við sem íhuga skiptinám: gerið ráð fyrir að þurfa að bíða 1,5-2 mánuðum lengur en venjulega eftir námslánunum ykkar! ;( Þegar verkefnahrinunni lýkur get ég svo vonandi klárað að ganga frá húsaleigubótadæminu (asnalegt mál, þurfti að senda pappírana til Árósa til fá einhverjar kvittanir frá þeim sem eiga húsið, og guð má vita hvenær þeim þóknast að senda þá til baka), haldið áfram að reka á eftir námslánunum, sent skattkortið til Dominos og farið að vonast til að þeir borgi mér þessa tíma sem ég vann þar (humm, og kannski líka látið þá vita í leiðinni að ég hafi ekki í hyggju að vinna meira þar... það var víst aldrei almennilega búið að koma fram, suss suss...) - og svo kannski sótt um vinnu á fleiri stöðum, er allavega að spá í að henda inn Nordjobb umsókn og sjá hvað þeir geta boðið í Kaupmannahöfn, Malmö og nágrenni :) Úff, stundum finnst manni maður ekkert hafa að gera og svo loks þegar maður tekur sig til þá sér varla út úr augum fyrir verkefnum! En ég hef þá allavega ástæðu til að drífa mig framúr á morgnana, þó svona snúningar og kerfisvesen sé oftast ótrúlega lýjandi... ég var allavega bæði þreytt og pirruð síðustu tvö kvöld eftir að hafa eytt dögunum í slíkt.

Þá hafiði fengið nýjasta updeit af því sem er að hringsóla í hausnum á mér í bili, þar er allt í einum graut eins og þessi belg-og-biðu texti endurspeglar víst ágætlega! :p

Annars voru svo auðvitað gestir hér alla síðustu viku, fyrst Hjalti og svo Haukur bróðir minn, en ég ætla að geyma mér það að segja ferðasögur þeirra þangað til ég hendi inn relevant myndaalbúmum... Það verður vonandi um helgina :) Það eru annars komnar inn einhverjar myndir frá flutningunum hingað, sem og íbúðinni á Svanevej - ég var byrjuð að henda inn Finnlandsmyndum en það fraus svo allt og eyddist út aftur ;( svo ég geri aðra tilraun með það fljótlega, kannski bara um helgina líka (ef mér leiðist við verkefnaskrifin).

En já, hann Magnús Magnússon býður víst, með spennandi frásagnir úr lífi sínu og starfi... grunar reyndar að ég hafi rétt verið að ljúka við hressustu kaflana; menntaskólaárin og einhverjar stiklur úr fyrstu ástarævintýrum og kynlífsreynslu... og þó, á einn kafla eftir sem virðist fjalla að mestu um drykkjuskap - það gæti orðið hresst líka ;)

Af danskri drykkjumenningu og fleiri furðum

2008-02-12T18:34:00.000Z

Eitt af því sem mér finnst skemmtilegt við hverfið okkar er hvað þetta er alltsaman yndislega mikill suðupottur. Á götunum heyrist iðullega alls konar sambland af dönsku, ensku, spænsku, arabísku, persnesku og áreiðanlega fleiri tungumálum sem ég kann ekki að greina (furðu lítið af íslensku, annars, miðað við suma aðra hluta Kaupmannahafnar), flestar verslanir auglýsa bæði á dönsku og arabísku, út um allt eru alls konar sérverslanir með asíska og afríska matvöru, international calling cards eru mikið auglýst vara og ef maður hefur áhuga á "þjóðlegum" miðausturlenskum listviðburðum þá er hægt að finna nóg af upplýsingum um slíkar uppákomur innan um bleðlana sem auglýsa "andelsbolig til salg" eða "bliv slank på den fede måde" á Nørrebro station og auglýsingatöflum stórmarkaðanna. Reyndar fylgja líka neikvæðari hliðar með í menningarblöndunni og árekstrar virðast vera ansi tíðir. Brotnar og sprungnar rúður í verslunarhúsnæði, auglýsingaskiltum og strætóskýlum eru nánast dagleg sjón og þó maður hafi blessunarlega ekki orðið vitni að því (ennþá...) þá berast reglulega fréttir af vopnuðum átökum í nágrenninu.

En það var svo sem ekki það sem ég ætlaði að tala (eða skrifa) um. Við erum búin að detta niður á eina svona etníska verslun rétt hjá lestarstöðinni sem virðist vera nokkuð sniðug, þrátt fyrir að vera hvorki vel skipulögð né snyrtileg/aðlaðandi, þá hefur hún það sér til ágætis að selja ýmis konar paste, krydd, baunir og annað gums sem okkur finnst sniðugt að blanda út í matinn okkar, auk þess að vera opin að því er virðist alltaf. Það sem mér fannst eiginlega áhugaverðast í tengslum við "uppgötvunina" á þessari verslun (og þá komum við aftur að danska elementinu í fjölmenningunni) er að við hliðina á henni er lítil bodega, svona gamaldags, reykmettuð, dönsk krá, sem auglýsir stórum stöfum fyrir utan: TILBOÐ MILLI 08.00 OG 12.00 - STÓR BJÓR + SKOT/SNAPS Á 20 KR. Fyrst ákvað ég með sjálfri mér að þeir hlytu að vera að meina átta að kvöldi til miðnættis, en þegar ég sá að hinumegin á skiltinu var annað tilboð sem gilti frá 12-15, þá... æj, Danir...

Í nauðum okkar vegna sjónvarpsleysis (þ.e. sjónvarpsstöðvaleysis) erum við búin að fjárfesta í rúmlega sólarhring af sjónvarpsþáttum í dag, þar af 21 klst. af rómverskum keisurum (Rome I + I, Claudius) og þar til viðbótar kvikmyndinni Gladiatior. Það verður því rómverskt þema hér næstu dagana, hugsanlega brotið upp inn á milli af Blackadder, sem á heiðurinn af klukkutímunum sem upp á vantar. Það þarf sko víst að hafa fyrir því að vera latur... hmm. Eða, já, þú veist, eitthvað... kominn matur!

Óregla og mórall

2008-02-11T17:48:00.000Z

Sólarhringurinn hér á þessu heimili er í eitthvað frekar miklu fokki. Í gær tókst okkur að slá öll met, fórum ekki á fætur fyrr en klukkan hálf-fimm (eftir að hafa vaknað upphaflega klukkan tvö og ákveðið að "kúra í svona 10 mínútur" áður en við færum framúr)... Þar með var auðvitað út úr myndinni að sofna fyrr en undir morgun í nótt og plan mitt um að byrja vikuna með dugnaði og sjálfsaga frekar ónýtt :( Gældi reyndar við þá tilhugsun að drífa mig bara á lappir eftir svona 3-4 tíma svefn og snúa svefnmynstrinu á farsælli hlið með valdi, en þegar það er ekkert sem bráðnauðsynlega þarf að sinna, og hin svefnpurkan á heimilinu liggur áfram værðarleg undir sænginni, þá er ég greinilega ekki nógu staðföst fyrir svoleiðis plön...

Meikaði loks að vakna upp úr eitt, dró Singer of Tales upp í rúm til mín, sofnaði ofan í hana svona 35-40 bls. seinna, og vaknaði aftur klukkan korter í fimm ;( Ég er glötuð... missti af kickbox tímanum sem byrjaði klukkan fimm, og er svo bara búin að sitja hér og vera pirruð út í sjálfa mig í tæpa tvo tíma. Fuss og svei... það er orðið of dimmt til að ég þori að fara út að skokka (alltaf verið að skjóta eitthvað fólk hér í nágrenninu, reyni að forðast að þvælast mikið ein úti í myrki!) og bölvaða sundlaugin lokar klukkan 16 á mánudögum, þannig að úrræði til að bæta upp fyrir leti mína eru af skornum skammti. Svo ég held bara áfram að vera örg og pirruð þar til mér dettur eitthvað skárra í hug.

Og ég held áfram að tala við sjálfa mig

2008-02-07T18:14:00.001Z

Ojæja, þið eruð greinilega öll hætt að kíkja hér inn, enda kannski ekki von á öðru miðað við blogg-letina. Ég ætlaði samt að blogga í fyrradag, en þar sem við vorum enn netlaus og sváfum of lengi til að ég hefði tíma til að fara niður í skóla í tölvuverið þar, þá varð ekki af því. Svo þið sjáið að ég er algerlega fórnarlamb aðstæðna...

En það er nú ekki búinn að vera neinn ofur dugnaður í gangi síðan við snerum aftur til Danmerkur. Ég afrekaði það reyndar í gær að fá okkur nettengd, með löngu og flóknu símtali þar sem ég fékk að stafa nafnið mitt 3x (og það stendur samt sem áður Sigrul (!) á samningnum, urr...) og komst að því eftir mikinn misskilning að @ táknið heitir "snigla-A" eða eitthvað álíka á dönsku.
Svo dreif ég líka í að skila loks bókum sem voru komnar það langt fram yfir að ég var farin að fá bleik hótunarbréf í pósti frá bókasafninu... Ein ikea-ferð er frá, og önnur á planinu á morgun (stólarnir sem við ætluðum að kaupa voru uppseldir, bansettir) og þá verður orðið alveg ógvulega fínt hérna... jah, þarf reyndar að taka smá til kannski líka, en það er annað mál. Svo fer ég rétt að gera alvöru úr síendurteknum hótunum mínum um að henda fleiri albúmum inn á netið, læt ykkur vita! Og eins og glöggir lesendur taka kannski eftir þá er kominn linkur á albúmin hér til hliðar (Myndir 2007-) svo það ætti ekki að vera vandamál að finna þær ;)

En já og jæja, komið nóg af sundurlausu blaðri í bili... but stay tuned!

Nýtt lúkk á nýju ári

2008-02-01T15:30:00.000Z

Já, það var víst alveg kominn tími á að flikka smá upp á útlitið, það varð ekki næstum jafn skemmtilegt eftir að drekinn minn hvarf (linkurinn sem vísaði á myndina hvarf bara! illa fólk...) og þar sem ég fann engan nógu flottan dreka til að koma í staðinn fann ég mig tilneydda til að fá mér einhverja nýja mynd og þá passaði miklu betur að breyta letrinu á titlinum aðeins og setja skemmtilegtri bakgrunn og þá var græna litaþemað ekki lengur að virka, og já... mér leiddist víst líka bara eitthvað í tölvuverinu í Odda í gær.

Veit samt ekki alveg hvort ég er endanlega sátt við útkomuna, sérstaklega litinn á aðalrammanum (og litaþema á stöfum fer náttúrulega mikið eftir honum) - og svo var ég líka að fatta að ég steingleymdi að breyta copyright rammanum neðst á síðunni! Svo að þið verðið að vera dugleg að fylgjast með og sjá hvað úr þessu öllu verður ;) Og dugleg að kommenta líka og koma skoðunum ykkar á útlitsbreytingu á framfæri...

Svo kemur kannski að því einhvern daginn að ég kem mér í að skrifa eitthvað af viti á ný, þegar síðan er orðin svona ný og fersk...!

Þrátt fyrir allt sem íþyngir...

2007-12-20T01:42:00.000Z

Síðasta skólatörnin fyrir jól fór nú ekki alveg eins og ég hafði ætlað mér... Eftir lítinn og lélegan svefn, litla og lélega næringu, stress svo lá við uppköstum og vonlausa baráttu við tímann og allt sem ég átti eftir að gera til að þessi ritgerð mín kæmist á skilanlegt form gafst ég grátandi upp á mánudagsmorguninn og viðurkenndi fyrir sjálfri mér að ég hefði klúðrað þessu verkefni. Ég hafði hangið saman á þrjóskunni fram að því, en það er víst bara ekki alltaf nóg...

En þótt þetta sé kannski ekki skemmtilegasta leiðin til að komast í jólafrí, þá er ég nú samt komin í eitt slíkt. Var reyndar ansi svekkt og súr á mánudeginum (plús svefnleysi og orkuleysi, sem ekki var til að létta skapið), og fékk svo aftur skell á þriðjudeginum, þegar veskinu mínu var stolið í strætó, þrem tímum áður en ég átti flug heim, svo ég fékk að enda Danmerkurdvöl mína þessa önnina á símtölum í kortafyrirtæki og skýrslugerð hjá hægvirkustu (langar helst að segja tregustu, en þeir virtust nefnilega ekki beint heimskir, bara sjúklega nákvæmir, ekki baun að flýta sér og ekki of flinkir á tölvukerfið sem þeir notuðu við að fylla út skýrsluna) lögreglumönnum sem ég hef fyrir hitt. Flugið heim var svo heldur ekki til að hrópa húrra fyrir, vatn lekandi úr loftinu, sætaraðir sem voru svo þröngar að það var varla pláss fyrir mínar litlu lappir og loftræsting sem vildi bara annað hvort hafa 30°hitamollu eða 12 vindstiga blástur með tilheyrandi loftkælingu...

EN! ég er allavega komin heim í frí, búin að vera rúman sólarhring á landinu og nýt þess að kúra í gamla herberginu mínu hjá pabba og mömmu, búin að lesa heila sakamálasögu, baka laufabrauð og hitta þjóðfræðinema, hlusta á systur mína spila á jólatónfundi og fara í jólaklippingu... á morgun er það svo jólaskemmtun í skólanum hjá hinni systur minni (sem á að vera Sandy í Grease í einhverri sýningu - ofur töff auðvitað!), jólagjafainnkaup og fleira jólalegt stúss :) Kannski tekst mér m.a.s. að draga eitthvað af því fólki sem hefur verið að hóta að hitta mig á kaffihús!

Já, jólin fara að koma... þrátt fyrir allt :)

Allt í steik

2007-12-12T21:26:00.000Z

Ég afrekaði það að læra alla aðfaranótt mánudagsins, að glósa fyrir færeyskupróf og skrifa uppkast að ritgerð sem ég þurfti að skila til kennara á mánudagsmorgni fyrir vejlednings tíma á þriðjudag. Síðan afrekaði ég það að sofa allan mánudaginn, frá hádegi og eiginlega bara fram á næsta morgun. Og vakna svo með magapest á þriðjudagsmorgninum. Fuss.

Einhvers staðar þarna í millitíðinni afrekaði ég það líka að ná færeysku, meira að segja bara með sóma, fékk 10 skv. furðulega danska einkunnaskalanum (sem er orðinn enn furðulegri eftir nýleg afskipti menntamálaráðuneytisins) - en það myndi líkast til samsvara ca. 9 á Íslandi. Það sorglega er reyndar að mér finnst ekki ólíklegt að þetta verði hæsta einkunnin mín á önninni, og hún verður ekki einu sinni metin :( En, reyndar þá fæ ég víst bara "staðið/fallið" fyrir alla skiptinámsáfanga inn á íslenska einkunnaspjaldið, svo það breytir kannski ekki öllu. Finnst það samt pínu sorglegt...

En jæja, næst á dagskrá er víst bara að hrista af sér þessi f**king veikindi og reyna að klóra sig sem best út úr lokaverkefninu mínu í Musik og identitet... og ákveða einhvers staðar þar á milli hvað ég ætla að skrifa um í seinni ritgerðinni í Globale moderniteter og kokka upp eitthvað rugl til að segja kennaranum í vejledning fyrir það á föstudaginn (dettur ekki í hug að byrja á henni fyrr en eftir jól samt, þarf ekki að skila fyrr en 14.jan.)... ó hvað ég verð hamingjusöm kl. 15 á mánudaginn, þegar ég verð komin í jólafrí!

Nokkrar staðreyndir úr lífi mínu þessa stundina

2007-12-08T23:12:00.001Z

Ég er þreytt.

Ég má samt ekki vera að því að vera þreytt því að fyrir hádegi á mánudag þarf ég bæði að vera búin að taka lokapróf í færeysku og skila drafti að 15 síðna rannsóknarritgerð á dönsku (sem ég er auðvitað ekki komin of langt með, frekar en mér er lagið þegar svona verkefni eiga í hlut) ásamt fylgiskjölum, þ.á.m. viðtölum og spurningalistum sem ég þarf líka að þýða á dönsku.

Það væri því mun gáfulegra að afneita þreytunni og fara að læra, en að liggja hér og blogga um það að ég sé þreytt.

Eftir 9 daga verð ég búin (eða er að minnsta kosti eins gott að ég verði búin...) að skila öllu af mér sem ég þarf að klára í skólanum fyrir jól.

Eftir 10 daga, að kvöldi 18.desember kem ég heim í jólafrí, og þarf þá ekki að hugsa meira um dönsku, verkefni, próf eða neitt annað í svona 2-3 vikur. Einhvern tímann milli 7. og 14.jan. þarf ég samt að snúa aftur og halda áfram með verkefnavinnu og prófundirbúning, held að ég verði ekki formlega búin í prófum fyrr en um 20.jan. En a.m.k. svona aðeins fram yfir áramót ætla ég að leyfa mér að vera áhyggjulaus í jólafríi.

Ég er búin að ákveða að framlengja Erasmus samninginn minn um eina önn, til að geta tekið eitt auka námskeið hér, og náð þar með nógu mörgum einingum til að ég fái sumarlán. Bæði alþjóðaskrifstofan hér og heima virðast bara voða happy með það að ég verði skiptinemi áfram, en ég á samt eftir að ganga frá því... vona að það verði ekki of seint loks þegar ég kem því í verk.

Við erum búin að flytja, og meira að segja koma okkur sæmilega fyrir. Nú búum við víst orðið á mörkum Nørrebro og Bispebjerg (sem er hverfi í NV-Kaupmannahöfn). Hef alla trú á að hér verði gott að vera, sérstaklega þegar sólin fer að hækka á lofti við getum farið að liggja í sólbaði á svölunum.

Einhvern tímann þegar ég er ekki þreytt og á að vera að pikka inn viðtöl eða læra fyrir færeyskupróf þá kannski set ég inn myndir af nýju heimkynnunum. Og jafnvel, hugsanlega Finnlandsferðinni minni og einhverju fleiru sem gerst hefur síðan um mánaðamótin september-október, svona í leiðinni.

Oh... ég er samt svo þreytt...

Ég og Megas

2007-11-14T17:10:00.000Z

...erum búin að sitja á CBS í allan dag og læra. Þ.e.a.s frá því um ellefu í morgun. Mér tókst samt að fara á fætur klukkan níu (sem telst afrek á mínu heimili, já) en fór ekki út úr húsi fyrr en svona hálf ellefu. Veit ekki alveg hvað tók svona langan tíma; jú, laga kaffi, tjónka við hárið á mér (sem er óvenju viðskotaillt þar sem ég hef ekki farið í klippingu nema hjá sjálfri mér í hálft ár), drekka te, borða morgunmat, sækja dótið sem ég var að vinna í skólanum í gær af netinu og vista í tölvuna mína (ekkert net á CBS - ein af ástæðunum fyrir hvað er gott að læra þar!), fara inn á politiken.dk og reyna að botna eitthvað í úrslitum kosninganna frá í gær (sem gengur illa... skil ómögulega af hverju forsætisráðherran sleit stjórnarsamstarfi og boðaði til nýrra kosninga úr því að ríkisstjórnin ætlar svo bara að sitja áfram - með 5 þingmönnum veikari meirihluta en áður! bara eyðsla á tíma og peningum, suss), ráðfæra mig við netbankann um það hvort ég hafi efni á að kaupa mér mánaðarkort í kick-box tímaog koma mér út úr húsi... jú, kannski þetta allt saman geti alveg tekið einn og hálfan tíma?

En ritgerðin mín "Theories of globalization and cultural hybritidy: reflecting on McDonald's in Hong Kong" fer allavega bráðum að verða tilbúin, svo að einhver hefur dugnaðurinn veriðí dag, enda er það eins gott þar sem ég á að skila klukkan 14 á morgun. Verður góð tilfinning að hafa lokið fyrsta verkefninu hér af :)

Annars er það helst í fréttum að við erum að fara að flytja um næstu mánaðamót, og verðumþá vonandi komin með fastan samastað út Danmerkurdvölina... þá er bara að heimsækja IKEA ogsjá hversu miklu innbúi maður hefur efni á ;)

PS. já, ég og Megas erum alveg að ná saman þessa dagana, en ef einhver þarna úti á Botnleðju coverið af Reykjavíkurnætur og langar að deila því með mér yrði ég voðalega glöð :)

PPS. Urr, ég hata strætó!

Ein føroyskur postur

2007-11-05T18:35:00.000Z

Nú hevi eg sitið og lært føroyskt allan dagin og tá er tað ikki so lætt at fara aftur at hugsa á íslendskum. So tið mugu bara royna at orsaka meg... og kanska læa lítið eitt at teimum undarliga málinum ;)

Eg hevi rættiliga mátt vera dúglig í dag, tí hesar síðstu dagar hevi eg havt nógv so mikið stuttligt at fáast við. Hóskvøldið fóru vit at síggja ein íslendsk sjónleik í teimum norðatlantska samkomuhúsinum; Mr. Skalla-Grímsson, sum hevur verið spælt í Borgarnesi tey síðstu tvey árini. Tað var púra stuttligt, hasin Benedikt Erlingsson var rættiliga skemtingarsamur og vit fengu læið ærliga :D Fríggjakvøldið var tað sum danir nevna J-dagin og tá vildu vit fara á onkran pub ella nakað soleiðis og síggja tá ið teir koma við teimum nýggja Tuborg jólaølinum (tað skal vera nakað heilt merkiligt). Men fyrst skuldu vit heim til Ketils sum hevdi boðið okkum at eta við sær. Har fingu vit etið hesa góðu chili súpan og drukkið nakað øl... og so drukkið nakað meira øl og tosað við teimum øðrum vinum hansara sum eisini vóru har... og so fingu vit ikki farið harfrá fyrren klokkan var eitt ella hálvgum tvey og tá var tað fullseint fyri nakað pub crawl. Men tað var tó eisini stuttligt har :)

Leygardagin svav eg... og so fingu vit sæð onkrar filmir leygarkvøldið. Sunnudagin vildi eg gjarna læra nakað, men tímdi bara ikki at byrja :/ Men í dag gekk tað tó betri :)

Ja, so hevi eg skrivað nakað á føroyskum fyrstu ferð! Maður má jú royna at hyggja at hvat maður kann ;)

Eru þá að koma jól?

2007-11-02T15:46:00.000Z

Ég varð náttúrlega að taka mér smá verðskuldaða pásu eftir allt bloggbrjálæðið þarna snemma í október, er það ekki? ;)

Annars endaði bloggkeppnin mikla nú eiginlega bara með jafntefli, fannst ekkert gaman að halda áfram að dæla inn færslum eftir að Hjalti hafði opinberlega gefist upp! ...og nennti því kannski ekkert heldur... Þannig að í staðinn fyrir að annað hvort okkar splæsti bjór á hitt keyptum við bara fullt af áfengi í sameiningu og fórum á ógurlegt fyllerí, ásamt Virpi og Kaisu... og það á sunnudagskvöldi! ;) Það var hressandi, þrátt fyrir að dagurinn þar á eftir hafi verið einkar óhress. Ég var næstum búin að gleyma hvað er vont að vera þunnur, úff púff. (Og já, Hjalti, ef þú lest þetta máttu segja Virpi að ég er komin með Facebook svo hún getur leitað að mér þar...) En við gerðum nú líka marga gáfulega hluti, við fórum til Tallinn og í Suomennlinna (sem er virki á eyju, mjög töff), og í skemmtigarðinn Linnanmäki og á Nutor forum í Kangasala, þar sem ég lærði að juggla og búa til blöðrudýr og var trúður á grímuballi.

Morguninn eftir að ég sneri aftur frá Finnlandi kom Hafdís í heimsókn, við rændum Birnu úr dönskuskólanum og héldum stelpu-náttfata-chill-partý alla helgina :D Birna fór aftur til Íslands á sunnudegi en Hafdís var fram á þriðjudag og við afrekuðum m.a. að finna konungshöllina og Litlu Hafmeyjuna í kolniðamyrkri, horfa á agalega hryllingsmynd og mæla götur miðbæjarins meðan við óskuðum þess að við værum ríkar og gætum keypt allt sem okkur langaði í... ;)

Á miðvikudeginum komu foreldrar mínir og litlu systur í heimsókn og voru fram á sunnudag, dröslaði þeim m.a. líka að skoða konungshöllina og Litlu hafmeyjuna - úff, hvað ég er hugmyndasnauð greinilega - að þessu sinni reyndar í dagsbirtu. Svo fórum við á tilraunasetrið (Eksperimentarium) í Hellerup og á náttúrugripasafn Háskólans, elduðum Flæskesteg og bökuðum köku, þvældumst í "nokkrar" búðir og heimsóttum elstu krá Kaupmannahafnar.

Ég er sem sagt búin að vera ógurlega upptekin, við eitthvað allt allt annað en duglegir námsmenn eiga að eyða tíma sínum í. Eftir rúmlega tveggja vikna extended haustfrí hefur þessi vika að mestu farið í að gíra sig inn á að vera ekki lengur í fríi og með gesti, heldur vinna fyrir námslánunum sínum. Dugnaðurinn er svona smám saman að snúa aftur, og ekki veitir af...

Ef þið eruð að velta því fyrir ykkur hvað í ósköpunum titillinn á færslunni hafi með þetta allt að gera, þá er svarið við því eiginlega barasta ekki neitt. Hún fór bara óvart að fjalla um eitthvað allt annað en hún átti upphaflega að gera. Humm...

En í dag er sem sagt J-dagurinn, einn af helstu hátíðisdögum í Danaveldi, en þá fer jólabjór Tuborg í dreifingu. Magasin du Nord er líka búið að setja upp jólaljósin, og í flestum matvöruverslunum er búið að leggja 1-2 rekka undir jólapappír, litla jólasveina, jóladagatöl og gylltar stjörnur. Það eru sem sagt að koma jól, eftir 53 daga, og maður verður víst að gjöra svo vel að gera sér grein fyrir því, svona inn á milli þess sem maður les sér til um óríentalisma og kyntengdar sjálfsmyndir í tónlist, skrifar ritgerðir, tekur viðtöl, leitar að heimildum um glókaliseringu og fankúltúr og reynir að berja færeyska framburðinn inn í hausinn á sér.
Hvað langar ykkur að fá í jólagjöf? ;)

Haustlitir

2007-10-11T21:15:00.000Z

Það var svo fallegt haustveður kringum síðustu helgi að ég stóðst ekki mátið að taka með mér myndavél eitt skiptið sem ég labbaði niður á lestarstöð og reyna að fanga eitthvað af haustlitunum á stafrænt form. Mér finnst allavega voðalega fallegt á Ådalsvej (myndirnar eru allar teknar þar), þó ég viti ekki hversu vel það skilar sér í amateur-myndatöku minni ;) En Þessar myndir hafa nú loksins ratað inn á netið, ásamt því sem ég bætti inn nokkrum myndum í heimilismynda-albúmið.

Jæja, Finnland í fyrramálið, fer að verða síðasti séns að massa þessa blogg-keppni! ;)

Pælingar

2007-10-11T15:42:00.000Z

Svona sirka einu sinni á önn rennur upp sá tími að mér finnst ég nauðsynlega þurfa að pæla ótrúlega mikið í því hvernig ég eigi að raða námsmatinu mínu upp til þess að fá sem gáfulegasta niðurstöðu út úr einingunum mínum.

Þessa önnina liggur pælingin aðallega í því hvort ég eigi að reyna að fá að taka eitt námskeið í skiptinámi á næstu önn, eða bara láta mér nægja þessar 10-12 einingar sem ég er skráð í heima. Ég hef reyndar ekkert við fleiri einingar að gera, en óttast aftur á móti að það geti haft ýmsa miður skemmtilega hluti í för með sér að vera bara í 10 eða 12 einingum, öllum í fjarnámi. Má þar nefna vesen með námslán (fengi ekki nema 75% lán), vesen með húsnæði (gæti orðið bögg að fá pláss á kollegíi ef ég er ekki í námi hérlendis), vesen með bókasafnsaðgang, prent- og ljósritunaraðstöðu (allt svoleiðis hjá mér gildir til 31.janúar...) og góðan möguleika á óhóflegri leti, sinnuleysi og leiða, sem mig grunar að myndi leiða af því að sitja alla daga ein heima eða á CBS. Auk þess langar mig eiginlega bara að fá að vera aðra önn í skólanum hérna, loksins þegar ég er búin að læra á allt (tókst m.a.s. að skrá mig í prófin í dag, víhí!), skil dönskuna orðið betur og áherslurnar í náminu sömuleiðis. Það eru ýmsar skemmtilegar pælingar í gangi hér og það væri gaman að geta komist aðeins betur inn í þær, meðan maður hefur tækifæri til.

Auðvitað er líka möguleiki í stöðunni að sitja námskeið án þess að fá þau metin, en það er hætt við að það verði hálf ómarkvisst (ég er t.d. búin að skrópa í einhverja 3-4 færeyskutíma, en bara einu sinni í hinum námskeiðunum samanlagt... og það var daginn sem við vorum að flytja), auk þess sem það leysir ekkert af tæknilegu vandamálunum með húsnæði, námslán og bókasafns- og tölvuþjónustu.

Púff... stundum pæli ég allt of mikið í hlutunum held ég ;)

Talandi um...

2007-10-08T12:09:00.000Z

...Hjalta og bloggkeppnina þá stal ég þessum lista af síðunni hans, nennti reyndar ekki þessari x-uppstillingu (tekur svo mikið pláss!), sem gerir kannski að verkum að enginn nennir að lesa gegnum listann... en það er kannski bara ágætt, þá er erfiðara fyrir ykkur að hneykslast á því hvaða lélegu myndir ég hef séð og/eða fleima mig fyrir einhver stórvirki sem ég hef misst af ;)

Myndir sem ég hef séð:
Rocky Horror Picture Show, Grease, Pirates of the Caribbean, Boondock Saints, Starsky and Hutch, The Princess Bride, Anger Management, Napoleon Dynamite, 50 First Dates, Scream, Scary Movie, Scary Movie 2, Scary Movie 3, American Pie, American Pie 2, American Wedding, Harry Potter: 1-4, The Wedding Singer, The Village, Finding Nemo, Finding Neverland, Signs, The Grinch, I Robot, Dodgeball: A True Underdog Story, A Series Of Unfortunate Events, Along Came Polly, Deep Impact, King Pin, Meet The Parents, Meet the Fockers, The Terminal, Dumb & Dumber, Final Destination 2, Harold & Kumar Go To White Castle, Chicago, Ghost Ship, Troy, Ten Things I Hate About You, Just Married, Nightmare on Elm Street, Remember the Titans, Seven, Ocean's Eleven, Independence Day, ET, Children of the Corn, Maid in Manhattan, How to Lose a Guy in 10 Days, She's All That, Sideways, Forrest Gump, X-Men, Spider-Man, Spider-Man 2, Catch Me If You Can, Freaky Friday, Reign of Fire, The Hot Chick, Old School, Lord of the Rings: 1-3, Star Wars: Episode 1-6, Air Force One, For Richer or Poorer, Transporter, Sound of Music, Parent Trap, Meet Joe Black, Nightmare Before Christmas, Sleepy Hollow, American History X, George of the Jungle, Jesus Christ Superstar, Mulan, Lion king, Lion King 2, My little pony, Legally blonde, Legally blonde 2
ALLS: 89

Myndir sem ég hef ekki séð:
The Mexican, Fight Club, Neverending Story, Blazing Saddles, Airplane, AnchorMan: The Legend of Ron Burgundy, Labyrinth, Saw, Saw II, Saw III, White Noise, White Oleander, American Pie Band Camp, American Pie The Naked Mile, Resident Evil, Resident Evil 2, Lilo & Stitch 2: Stitch h/a Glitch, Texas Chainsaw Massacre, White Chicks, Butterfly Effect, Thirteen Going on 30, Universal Soldier, Eight Crazy Nights, A Cinderella Story, The Lizzie McGuire Movie, Passport to Paris, Dumb & Dumberer, Final Destination, Final Destination 3, Halloween, The Ring 1, The Ring 2, Practical Magic, From Hell, Hellboy, Secret Window, The 46, The Day After Tomorrow, Child's Play, Seed of Chucky, Bride of Chucky, Gothica, Sixteen Candles, Coach Carter, Joy Ride, Ocean's Twelve, Identity, Lone Star, Bedazzled, Predator I, Predator II, Alien V.S Predator, Cujo, A Bronx Tale, Darkness Falls, Christine, My Boss' Daughter, Frailty, Best Bet, Calendar Girls, Mars Attacks, Event Horizon, Ever After, Big Trouble in Little China, X-Men 2, Jeepers Creepers, Jeepers Creepers 2, The Others, Cruel Intentions, Cruel Intentions 2, Swimfan, Miracle, The Notebook, K-Pax, Walk to remember, Boogeyman, Hitch, The Fifth Element, Troop Beverly Hills, Swimming with Sharks, Transporter 2, People Under the Stairs, Blue Velvet, The Birds, Empire Records, SLC Punk, The Silence of the Lambs, I Heart Huckabees, 24 Hour Party People, Blood In Blood Out, Manic, Deep Blue Sea, Canadian Bacon, How High, The Jacket, Road to perdition, Rent, Mulan 2, Lion King 3: Hakuna Matata, Pink Panther
ALLS: 100

Myndir sem ég hef séð hluta af:
Little Black Book, Lilo & Stitch, Never Been Kissed, Joe Dirt, Sky High, Thirteen
ALLS: 6

Myndir sem ég er ekki viss hvort ég hef séð…
Scream 2, Scream 3 (hef pottþétt séð aðra hvora)
The Terminator, Terminator-2, T-3 (hef séð a.m.k. eina og held ég brot úr annarri)
Bad Boys, Bad Boys 2 (hef séð a.m.k. hluta af annarri og kannski báðum, og kannski jafnvel aðra hvora í heilu lagi… bara ekki viss!)
ALLS: 7

Hangsað í tölvuveri KUA

2007-10-08T11:47:00.000Z

Það er ekkert ógurlega snemmt að mæta í skólann klukkan tíu, en samt tekst mér alltaf að koma ca. fimm mínútum of seint í færeyskutímana mína. Fyrstu vikurnar kenndi ég því um að þar sem við bjuggum nánast í næstu götu við skólann hélt ég alltaf að ég væri bara svona 3 mínútur að labba, en var í rauninni svona 5-8 mínútur. Síðan við fluttum hef ég svo haldið því fram að metro ferð (+ labb til og frá lestarstöðvum) taki svona 25-30 mínútur, þegar það tekur í raun nær 35 mínútum. Uss, uss, lélegar afsakanir, ég veit.

Færeyskutímarnir eru samt svo indælir og afslappaðir, við erum ekki nema 6 nemendur - og þar af bara "hálfur" Dani (hinn helmingurinn af honum er færeyskur, en hann talar samt bara dönsku). Svo eru þar tveir Þjóðverjar, einn Tékki, einn Króati og svo ég. Kennarinn eyðir oftast meira en helmingnum af tímanum í að segja okkur furðusögur af sögu og menningarlífi Færeyja (þetta er sko svona færøsk sprog og kultur námskeið) og svo sitjum við í hring lesum við færeyska texta og æfum framburð. Stundum velti ég því fyrir mér af hverju ég fór að læra félagsvísindi, hefði örugglega blómstrað í einhverjum svona málvísinda/hljóðfræði/tungumála nördisma 8-)

Þar sem það stóð, aldrei þessu vant, ætur hádegismatur til boða í kantínunni ákvað ég að borða og heimsækja svo tölvuverin og sjá hvort mér tækist að finna eitthvað út úr prófaskráningunni á netinu... Það tókst (að sjálfsögðu) ekki, en hér sit ég samt enn, einum og hálfum tíma síðar og hangsa á netinu. Skamm skamm... mér væri hollara að koma mér heim að læra og þvo þvott. En ég verð nú að halda í við Hjalta í blogg-keppninni ;)

Eldamennska á háu stigi

2007-10-07T13:06:00.000Z

Þegar maður getur keypt hamborgarahrygg á kostakjörum er hætt við að mikilmennskubrjálæðið grípi mann og lagt sé upp í ógurlega eldamennsku. Ég er allavega að gera tilraun til að sjóða hamborgarahrygg í litla mini ofninum okkar núna, meðan Þórir er úti í búð að kaupa rauðvín og köku. Stefnan er sem sagt á að halda ógurlegt kveðjuhóf fyrir Björn, sem er að fara að stinga af og flytja til Íslands.

Annars er ég loks lögð af stað með að reyna að formatta tölvuna mína... hún er samt búin að vera í meira en klukkutíma að skrifa disk með allri tónlistinni minni, finnst þetta ekki nógu sniðugt...

Finnland eftir 5 daga, Birna og Hafdís í Danmerkurheimsókn eftir 11 daga og pabbi, mamma, Helga og Hildur í heimsókn eftir 17 daga! Lítur út fyrir að október verði viðburðaríkur mánuður ;)

Royal wedding

2007-10-05T11:25:00.000Z

Jámm, það lýtur út fyrir að við fáum að upplifa það í vor hvernig Danir halda upp á kongeligt bryllup. Vorkenni Marie verðandi prinsessu samt smá, ekki auðvelt að vera í sífellu borin saman við kronprinsesse Mary (sem í augum Dana er því sem næst fullkomin) en það finnst dönskum fjölmiðlum einkar skemmtilegt þessa dagana. Það liggur líka svo beint við, Mary og Marie, ikke?

Annars finnst mér líka pínu spes hvað konungsfjölskyldan er afturhaldssöm í sambanda-málum. Nýja prinsessan ætlar sko að búa áfram í Sviss alveg fram á brúðkaupsdaginn, sem þykir víst alveg ágætt, því að þá sleppur konungsfjölskyldan við að redda henni íbúð í Kaupmannahöfn þangað til. Það er greinilega alls ekkert inni í myndinni að brúðhjónin verðandi fái neitt að láta of mikið reyna á fjölskyldulífið fyrr en eftir stóra daginn. Púff púff, ekki myndi ég nenna að giftast prinsi ;)

Cheap, en samt... ;)

2007-10-04T22:25:00.000Z

Púff, ég tala allt of mikið um skólann... þarf að fara að finna mér eitthvað að gera sem er meira spennandi til frásagnar greinilega!

Og já, countar þetta ekki sem 2-1? ;)

Dugnaður

2007-10-04T21:45:00.000Z

Eftir að hafa verið afspyrnudugleg að ýta lærdómi til hliðar fyrir ýmsum öðrum verkefnum í síðustu viku settist ég niður og las upp tæplega þriggja vikna lesefni fyrir músíketnólógíuna á þriðjudag og miðvikudag... það kom þó ekki eingöngu til af áhuga (þó að þetta sé reyndar alveg virkilega skemmtilegt! bara leti sem hefur haldið aftur af mér...) heldur þurfti ég að halda kynningu á verkefni sem ég er að fara að vinna, og var satt best að segja skíthrædd við að standa upp og blaðra fyrir framan allan bekkinn, án þess að vera þá allavega búin að lesa allt sem gæti hjálpað mér að líta ekki mjög illa út.

Kynningin gekk nú samt bara sæmilega þegar á hólminn var komið, a.m.k. held ég að fólk hafi verið að skilja mig ;) Og ég hundskaðist þá allavega til að koma mér í gang með blessað verkefnið og fékk smá leiðsögn og svona. Í dag eyddum við síðan hálfri kennslustundinni í hnattvæðingarkúrsinum í að ræða um ritgerðirnar sem við eigum að skrifa þar, svo að mér líður loksins eins og ég sé nokkrun vegin með allt á hreinu í skólanum :) That kinda feels good...

Svo byrjar skráningin í prófin í næstu viku, það verður áhugavert að finna út úr því... púff púff ;)

Annars var ég svo líka að komast að því að Birna ætlar að vera á dönskunámskeiði í Kaupmannahöfn meðan vetrarfríið er, og Hafdís ætlar að koma í heimsókn líka, sem þýðir að við munum skemmta okkur allar saman þegar ég kem frá Finnlandi :D Gleði gleði!

Og já, staðan er þá 1-1 ;)

Myndir!

2007-10-01T22:42:00.000Z

Fyrsti mánuðurinn í Danmörku er að verða liðinn. Ég er búin að vera fjórar vikur í skólanum og að ég held farin að fatta svona næstum allt sem er í gangi. Svona kerfislega séð, meina ég, veit oft ekki hversu mikið er að fara fram hjá mér í kennslunni. Það er erfitt að vera í tímum á dönsku... stundum finnst mér ég jafnvel hafa stokkið út í aðeins of djúpa laug þar. En þá er bara að halda áfram að synda.

Við héldum allavega skemmtilegt boð á laugardaginn, Gaui kom og brasaði shawarma borgara ofan í liðið, við borðuðum köku og drukkum öl og skemmtum okkur yfir fasíska flóðhestinum Dolph og vinum hans... mjög gaman :D (Jámm, Wulffmorgenthaler þættirnir eru nýjasta æðið á heimilinu, þá má sjá í heild sinni á heimasíðu DR, ef þið höndlið alla dönskuna ;)

Ég nýtti síðan tíma minn í dag m.a. í að henda inn öllum þeim myndum sem við höfum tekið hér, þær eru nú ekkert voðalega margar, en það má allavega skoða myndaalbúmin :)

Bætt við 2.okt. kl. 19.45: Búin að laga hlekkinn á myndirnar ;)

Ég verð að blogga oftar...

2007-09-24T19:40:00.001Z

...svo að þetta verði ekki alltaf svona ógurlega langt hjá mér! En hvað um það...

Ég er búin að vera á leiðinni að setja í þvottavél í meira en klukkutíma... en það er allt of erfitt að standa upp úr stólnum og labba niður í kjallara. Held ég sé búin að ákveða að ég nenni ekki fram að þvo fyrr en ég þarf hvort eð er að fara fram og elda... sem verður eftir svona 20 mínútur... best að blogga þangað til!

Fæturnir mínir hafa samt ástæðu fyrir að vera latir og nenna ekki að labba niður í þvottahús, ég var nefnilega svo ógurlega dugleg að skokka einhver ósköp áðan. Komst að því í síðustu viku að það er voðalega hentugt að skokka í svona garði/skógi/órækt sem er hérna bara rétt hinumegin við 3 götur. Komst aftur á móti að því í dag að það er líklegast best að gera það meðan er enn bjart, það var allavega frekar drungalegt inn á milli trjánna í myrkrinu (Dönum finnst götulýsing ekki góð hugmynd nema upp að því marki sem er algerlega nauðsynlegt) og ég átti allan tímann hálfpartinn von á því að einhverjir rónar og heimilisleysingjar tækju upp á því að birtast út úr runnunum og bögga mig... en ég hljóp þá kannski bara hraðar fyrir vikið ;)

Það eina sem er ekki nógu sniðugt við þessa uppgötvun mína er að við erum að fara að flytja héðan eftir bara 2 daga... og þá þarf ég að finna mér nýjan stað til að vera dugleg og skokka á! Flutningarnir eru aftur á móti mjög sniðugir að öllu öðru leyti :D ég hlakka til að eiga meira pláss, eldhús sem ég þarf ekki að deila með heilli hæð af fólki og m.a.s. fínasta borðstofuborð :) Við fáum nefnilega öll húsgögn með íbúðinni, sem við erum að fara að leigja af norskri stelpu fram að áramótum. Eftir að hafa skoðað alla möguleika sem okkur duttu í hug í íbúðamálum síðustu 2-3 vikurnar vorum við komin að þeirri niðurstöðu að kollegíin væru ekkert að fara að flýta sér að bjóða okkur húsnæði, svo að þetta var ágætis millibilslausn :) En nýtt aðsetur okkar, frá og með miðvikudeginum, verður s.s. í Vanløse, sem er hverfi aðeins norðvestan við miðbæinn í Kaupmannahöfn. Lofa nýjum myndum þegar við verðum flutt ;)

Svo er ég að fara til Finnlands 12.október; mamma, pabbi, Helga og Hildur koma í heimsókn 24.október og Marta og Tomek ætla að koma 29.nóvember :D

Og þá er ég farin að elda...!

Góður dagur

2007-09-14T14:09:00.000Z

Á fyrsta fundinum sem ég fór á í skiptinemaprógramminu hér fengum við smá fyrirlestur um "kulturshok", eins og þeir vilja stafsetja það hér ;) Þar var því haldið fram að flestir skiptinemar gengu í gegnum ferli sem byrjaði á "tourist/honeymoon period" (allt er nýtt og spennandi og svo margt að gera og skoða), svo kæmi "shock period" (hversdagsleikinn tekur yfir, maður fer að reka sig á veggi, sakna heimalandsins og ergja sig yfir öllu sem er öðruvísi en það sem maður þekkir) og endi svo á "acceptance period" (farinn að læra á kerfið og skilja hvernig hlutirnir virka, lendir sjaldnar í veseni og fer að leggja sig fram um að passa inn í samfélagið).

Ég held að þegar maður fer milli landa / samfélaga sem eru jafn lík og tengd og Ísland og Danmörk þá verði þetta meira þannig að maður upplifi öll þessi "stig" í einu. A.m.k. sveiflast ég núna milli þess að finnast einn daginn allt vera voðalega skemmtilegt og spennandi, gaman í skólanum, ákveðin í að finna út úr öllu því sem ég er ekki enn að fatta við kerfið hérna og finna mér eitthvað skemmtilegt að gera, en næsta dag er ég ekki mönnum sinnandi því allt er svo ömurlega mikið vesen og leiðindi, ég skil ekki neitt og ekkert vill ganga upp hjá mér...

En í dag er allavega búinn að vera góður dagur :) Ég fór og keypti áskriftarkort í lestirnar, sem er búið að standa til lengi, stofnaði mér reikning í dönskum banka og fór svo og talaði við námsráðgjafa í tónlistarfræðideildinni, svo að ég geti skráð mig þar, svo að ég megi taka prófið í kúrsinum sem ég er í þar og til að ég fái aðgang að bókasafninu þar, en allt lesefni fyrir umræddan kúrs er geymt þar og svo á maður bara að ljósrita... síðan kom ég heim, þvoði allan þvottinn, tók til og skúraði og ætla núna að fara að baka snúða, og svo erum við að fara út að borða sushi í kvöld, í tilefni þess að Björn, vinur Þóris, var að verja mastersverkefnið sitt í morgun og því líkast til formlega orðinn verkfræðingur. Og tölvan mín ákvað meira að segja að henni þóknaðist að tengjast netinu, svona í tilefni dagsins! :D

En ég var samt búin að lofa einhverjum myndum, áður en ég fer að baka... ;)

Við fórum s.s. í siglingu á svona bát í síðustu viku, og sigldum um síkin í Kaupmannahöfn.

Í bakgrunni eru höfuðstöðvar Maersk, "húsið með bláu augun"... Að sögn Dana er Maersk næst þekktasta danska vörumerki í heiminum (næst á eftir Carlsberg auðvitað!), en ég verð nú að viðurkenna að ég hafði ekki hugmynd um að það væri danskt... hefði helst giskað á hollenskt. En það var víst líka gaurinn sem á Maersk sem lét byggja þetta óperuhús, sem stendur beint á móti Amalienborg.
Danir eru mjög hrifnir af nýstárlegum arkitektúr... á öðrum stað við sama kanal er svo verið að byggja nýtt þjóðleikhús sem er ekki alveg jafn funky og þetta, en samt frekar spes.

Hér eru gosbrunnarnir í Amalienborg, ef vel er gáð má sjá sama óperuhúsið í bakgrunninum ;) þetta stendur s.s. í beinni línu, sitthvoru megin við kanalinn, og bak við Amalienborg er síðan Friðrikskirkjan/Marmarakirkjan, sem mér skilst að sé með eitt stærsta hvolfþak í Evrópu.

Þórir á torginu í Amalienborg að lesa leiðabók:

Þar voru líka svona skemmtilegir hallarlífverðir að marsera, láðist samt að taka mynd af þeim... almennt séð hef ég greinilega verið mun duglegri að taka myndir af húsum en fólki, en það helgast kannski af því að ég hef ekki haft neitt ógurlega mikið af fólki að taka myndir af, og þó Þórir sé náttúrulega sætur dugar kannski ekki að birta eintómar myndir af honum ;)

Varð líka að skella hér inn einni mynd af kóngastyttu, af þeim er nú víst sannarlega nóg! Minnir að þetta hafi verið Friðrik IV... þori samt ekki að sverja fyrir það, þeir eru allir meira og minna eins. Þessi skartar þó afar skemmtilegu höfuðskrauti, ef vel er að gáð...

Framhald...

2007-09-10T11:26:00.001Z

Jámm, byrjunin á þessu málæði mínu er hér í næstu færslu á undan. Hvert var ég nú komin...

Já, það fór s.s. þannig að þessir gaurar sem héldu því fram að þeir þekktu mig settust hjá hópi af krökkum sem þeir þóttust líka þekkja, en þekktu samt ekki neitt eins og ég komst að þegar ég fór að tala við það. Frank Jensen fannst hann endilega þurfa að kenna mér að kynnast fólki svo mér leiddist ekki svona mikið, en m.v. hans hugmyndir um hverja hann þekkti og hverja ekki fannst mér það ólíklegt til árangurs. Þegar ég fór svo að tala við stelpuna sem sat á móti mér við borðið kom í ljós að hún þekkti heldur ekkert af þessu fólki, hafði bara sest þarna og þóst þekkja einhvern af því að vinkona hennar var búin að vera úti að reykja í 2 klukkutíma og henni leiddist. Ég veit ekki alveg... ég er greinilega ekki alveg nógu outgoing til að finnast í lagi að setjast inn í einhvern hóp þar sem ég þekki engan og "þykjast" vera með... en svoleiðis virkar það kannski bara hér?

Að minnsta kosti endaði ég á því næsta klukkutímann að eiga ógurlegt samtal við Christel, fyrsta árs nema í grísku, þar sem vinkona hennar var ekkert á því að snúa aftur úr reykingapásunni. Jensen-gaurarnir voru ekki alveg nógu sáttir við það áhugaleysi sem þeim var sýnt, a.m.k. fóru þeir á klósettið og komu aldrei aftur. Við söknuðum þeirra ekkert agalega og héldum bara áfram að drekka bjór, skammast yfir fullum strákum og erfiðum vinum, hrista hausinn yfir misgáfulegu tónlistarvali og tala einhver ósköp um Ísland og Danmörku. Þegar reykingavinkonan sneri svo loks til baka þá var það til að tilkynna að farið þeirra heim til Gentofte (sem er úti í buskanum = engar lestir á næturnar) væri að bíða, og þar sem drukkna liðið á svæðinu var um þetta leyti enn drukknara en áður nennti ég ómögulega að vera eitthvað ein aftur svo ég fór bara heim... Ágætis kvöld samt sem áður, þrátt fyrir furðulegheit ;)

Á laugardaginn sváfum við fram að hádegi og elduðum svo lasagna heima hjá Gaua og Kristínu. Síðan var eitthvað á planinu mínu að fara í annað skólapartý, fyrir skiptinema, en þar sem Gaui og Þórir þurftu fyrst að fara og hjálpa Katli að blanda mojito fyrir partý á Grønjords og ég var ómögulega að nenna að fara aftur ein að djamma horfði ég bara á Transformers með Kristínu í staðinn. Seinna um kvöldið þegar við Þórir gerðum tilraun til að joina þetta partý var staðurinn svo orðinn það fullur að þeir voru ekkert á því að hleypa of mörgum inn í viðbót. Svo við fórum bara heim að sofa.

Á sunnudaginn sváfum við aftur fram að hádegi og gerðumst svo ógurlega menningarleg og tókum 3ja tíma göngutúr um söguslóðir í miðbænum. (Myndir frá því og kanal-siglingunni sem við fórum í á miðvikudaginn og var líka einstaklega menningarleg koma kannski á netið einhvern tímann...) Þrátt fyrir þann dugnað var ég greinilega búin að klára svefn kvótann yfir helgina og lá andvaka af þreytuleysi næstum alla síðustu nótt - einkar óhentugt þar sem ég var aldrei þessu vant búin að plana að vakna eldsnemma og heimsækja skrifstofu í kollegíi sem við erum að reyna að komast inn á og er bara opin milli 8 og 9. Það hafðist samt (að vakna þ.e.a.s.) þó að fólkið á þessari skrifstofu hafi nú ekki haft neitt af viti að segja...

Og þetta allt saman er s.s. ástæðan fyrir því að ég sat hér í svefngalsa klukkan níu í morgun og reytti af mér aulabrandarana og ákvað svo að rekja ævisögu mína síðustu 3 dagana í minimalískum detailum. Þannig var nú það 8-)

Sitt lítið af hverju og allt of mikið af öllu

2007-09-10T07:16:00.000Z

Meðan ég er að vinna upp bloggletina verðið þið bara að sætta ykkur við langlokur, hef allt of margt að segja til að það komist fyrir í samlokum! (hohoho... ég er svo sniðug...) Aulafyndnin á sér samt sínar skýringar, sem munu væntanlega koma fram einhvers staðar í sögunni. En byrjum á þessu:

Tölvan mín er með endalaust bögg, sem gerir mig óendanlega pirraða þar sem nýjir hlutir eiga að mínu mati að virka og sleppa því að vera með leiðindi. Ég hef ákveðið að kenna Windows Vista um vesenið og er því núna að bíða eftir að fá senda stýrikerfis diska fyrir xp að heiman til að skipta því út. Eins gott að það virki! Annars verð ég enn meira en óendanlega pirruð og hendi tölvunni örugglega út um gluggann... eða eitthvað í þá átt.

Núna í millitíðinni er ég einkum að stelast í tölvuna hans Þóris, eða nota "IT" tölvurnar í skólanum (eins og núna)... sem verður til þess að ég er mjög dugleg að rugla saman dönskum og íslenskum lyklaborðsstillingum og skrifa nafnið mitt með "øu" í staðinn fyrir ú og víxla endalaust ð og å.

Á föstudaginn ákvað ég að kíkja í einhvers konar partý sem skorin mín hélt í tilefni af skólabyrjun. Það var mjög spes á allan hátt. Planið var að draga Þóri og jafnvel einhverja fleiri með en þar sem hann lá í rúminu endaði ég á að fara ein. Djammið var haldið í skólanum, búið að leggja stofurnar í 1-2 álmum undir diskótek og bari, reisa hljómsveitarsvið fyrir framan sagnfræðibókasafnið og setja upp einhvers konar "rómantísk" borð (með kertaljósum og bleikum kreppappír) eftir einum ganginum. Þetta var svona eins og sambland af skemmtistað og sveitaballi í tjaldi, fólk var ansi duglegt að hella bjór á gólfið (gjarna með viðkomu á fötum þeirra sem næst stóðu), það var bara eitt (!!!) kvennaklósett sem virkaði á öllu svæðinu, hvert sem maður sneri sér sá maður a.m.k. eitt kófdrukkið par í innilegu keleríi og yfir allt saman var blastað Greased Lightning og It's my life.

Eftir að hafa ráfað um í svona hálftíma-klukkutíma, drukkið tvo bjóra, pælt svolítið í því hvað það þætti súrrealískt á Íslandi að halda svona samkomu í skóla, gert eina árangurslausa tilraun til að komast á þetta eina kvennaklósett, flúið tvo útúr drukkna sagnfræðinema og einn fornleifafræðinema sem vildu endilega tala við mig en voru í engu standi til að halda uppi samræðum... þá settist ég niður og ákvað að skrifa eitt sms heim til Íslands og væla yfir því að mig vantaði einhvern að djamma með, svona áður en ég færi að koma mér heim. Ég var rétt sest þegar einhver slær í öxlina á mér og segir "hey, á ekki einu sinni að segja hæ?!" Ég sný mér við, eitt spurningamerki, og horfi framan í einhvern strák sem ég hef aldrei séð áður. "Manstu ekki eftir mér, við hittumst síðasta föstudag?"

Ehm... Þannig hófust s.s. kynni mín af Frank Jensen og vini-hans-Jensen (sem hét einhverju ómögulegu nafni sem ég gat ekki borið fram) sem stóðu á því fastar en fótunum að ég hefði hitt þá í einhverju partíi í Hvidovre síðasta föstudag og fannst allt tal um að ég hefði nú eiginlega verið veik heima á Íslandi það kvöld bara vera léleg afsökun fyrir að muna ekki eftir þeim. En þar sem ég var frekar desperat eftir einhverjum félagsskap þarna og þeir voru þó aðeins minna drukknir en aðrir sem höfðu gert tilraun til að tala við mig fram að þessu, og vildu þar að auki endilega kynna mig fyrir einhverju fólki lét ég til leiðast og settist með þeim hjá einhverjum hóp af krökkum við næsta borð.

...úps, ég þarf að mæta í færeyskutíma, framhald verður birt að því loknu, eða kannski í kvöld... eða kannski bara eftir svona hálftíma ef tíminn skyldi falla niður, sem hafa verið örlög allra færeyskutímanna minna fram að þessu. En allavega... sagan er ekki búin ;)

Mér finnst...

2007-09-07T14:47:00.000Z

...að þið eigið að vera dugleg að halda áfram að kommenta á færsluna hér fyrir neðan - eða bara setja kommentin við þessa í staðinn ;) I know you're out there!

Annars vildi ég bara segja ykkur að ég er komin með danskt númer og mun því ekki sjá ef þið reynið að ná í mig í því íslenska... nýja númerið er +45 2730 4093

Og svo kom haust

2007-09-06T11:34:00.000Z

Já, tíminn líður víst. Vona nú að flest ykkar hafi meiri tengsl við líf mitt en svo að þið dettið algerlega út þegar ég tek upp á því að sleppa að blogga í 6 vikur, en svona just in case þá er hér smá yfirlit ;)

Marta kom til Íslands 3.ágúst og ég náði að eyða svolitlu af verslunarmannahelginni með henni og Tomek, tókum m.a. Golden Circle rúnt á sunnudeginum, sötruðum bjór og eitthvað svona.

10.ágúst hætti ég að vinna og fór til Florida með Helgu og Hildi :D ég sólbrann ítrekað (þó alltaf á nýjum stöðum), Anna Guðrún kom í heimsókn, stelpurnar urðu húkt á Nickelodeon, ég komst að því að það er ekki hægt að ganga berfætt á malbiki/stétt í 35°C hita og sól, við fórum í Sea world og Disney world, misstum af rútunum heim úr báðum þessum görðum og urðum að taka strætó í staðinn (sem var mismikið mál), ég eignaðist nýja tölvu, fékk ógeð á steiktum mat og pönnukökum, við fórum á strönd, í dýragarð, villtumst nokkrum sinnum á leiðinni milli Orlando og Tampa þar sem að Budget lét okkur fá bilað GPS tæki, versluðum fullt af fötum (og geisladiskum!)... og já, örugglega fullt í viðbót :) Það var allavega bara mjög gaman ;)

24.ágúst komum við heim... þann dag varð Þórir bróðir tvítugur og við fórum út að borða í tilefni af því, daginn eftir fórum við í sumarferð með gleðikórnum og á sunnudeginum í skírnarveislu hjá litlu frænku minni og nöfnu í Kálfholti.

Á mánudegi var svo tekið til við að pakka og á miðvikudag fórum við að transporta fyrstu kössunum. Á miðvikudeginum fór ég líka og lét rífa úr mér restina af endajöxlunum... og hélt svo áfram að flytja. Á föstudagskvöld var íbúðin loksins tóm og bæði líkamleg og andleg heilsa mín á þrotum - endalausir verki í kjálkanum, höfðinu og hálsinum í bland við flutninga, farangur sem ekki passaði ofan í töskurnar mínar og tilheyrandi reddingar og stress var ekki alveg að gera sig. Á laugardeginum fór ég aftur til tannlæknisins og fékk þá að vita að verkirnir stöfuðu af því að neðri gómurinn væri ekki að gróa rétt, var látin fá einhverjar grisjur til að troða ofan í sárið og sagt að halda svo bara áfram að éta verkjalyf næstu 10 daga meðan þetta væri að jafna sig og verkurinn að fara. Fussum svei...

En jæja, á sunnudegi flugum við svo til Kaupmannahafnar, á mánudegi byrjaði ég í skólanum og nú er kominn fimmtudagur og ég er ekki alveg jafn lost og ég var fyrsta daginn. Geri mitt besta til að tala og skilja dönsku en það kemur svo sem alveg fyrir að ég panikka og skipti yfir í enskuna, einkum þegar einhverjar mikilvægar praktískar upplýsingar um hluti sem ég skil ekki eiga í hlut. Skriffinnskukerfið í KU er ekki það aðgengilegasta í heimi. En maður lærir vonandi á þetta á endanum... ;)

Sumar í bloggheimum

2007-07-27T12:17:00.000Z

Endalaus sól... ekki furða að fólk nenni sem minnstu í þessu veðri og þá allra síst að blogga.

Það eru allir að telja niður að einhverju í sumar, þjóðhátíð virðist vera vinsælt efni hjá þeim sem eru hvorki að fara að gifta sig eða flytja erlendis. Sjálf þori ég varla að telja niður dagana að mínum flutningum, en geri það nú samt. 37 dagar... 14 þangað til ég fer til Florida, 14 dagar þar og 9 dagar heima eftir það. Eiginlega akkúrat núna á ég eftir að vinna 10 vinnudaga í sumar. Svo bara frí og flutningar. Útlönd og meiri útlönd.

Mér finnst eiginlega bæði spennandi og sorglegt að vera að flytja. Gaman að fara í nýjan skóla, kynnast nýju landi og þurfa að láta reyna á dönskuna sem maður á víst að kunna. Vera aðeins meira miðsvæðis í Evrópu og eiga þá vonandi betri möguleika á að hitta vini sem hafa verið að planta sér sitthvoru megin við Eystrasaltið síðustu ár. Svo tekst mér líka vonandi að vinna ógurlega skemmtilegt BA verkefni næsta sumar sem ég hefði aldrei látið mér detta í hug ef ég væri staðsett á Íslandi. Aftur á móti finnst mér leiðinlegt að þurfa að skilja eftir hestinn minn og hætta í kórnum og hef lúmskar áhyggjur af því að missa voða mikið samband við fólkið sem ég er búin að vera að kynnast síðustu 1-2 ár.

En hvað er ég að röfla... það er sumar og sól og þá er skylda að vera glaður! ;)

Brottför staðfest

2007-07-13T13:36:00.000Z

Jámm, sunnudaginn 2. september mun ég yfirgefa ykkur og líklega ekki snúa aftur fyrr en um jól. Búið að staðfesta skólavistina, erasmus samninginn, flugið og bara allt. 50 dagar í brottför... Og svo eru náttúrulega bara fjórar vikur í Bandaríkjaferð, veóveó...

Wikipedia

2007-07-10T16:38:00.000Z

Þó að ég vinni mikið á tölvur og sé alveg ágætlega dugleg að fikta mig áfram í þeim þá á ég það til að vera herfilega lengi að tileinka mér ýmsa möguleika. Það eru t.d. ekki nema svona 3-4 mánuðir síðan ég fattaði Wikipediu almennilega... en núna er ég orðin ógurlega húkt, ekki síst þegar ég þarf að fletta upp tilgangslausum staðreyndum til að nota í vinnunni.

(Ó)kosturinn við Wikipediu er samt sem áður sá að maður endar oft á því að komast að einhverju allt öðru en maður var að leita að í byrjun - þannig endaði leit mín að tímasetningum Heklugosa á 20.öld í dag á því að ég varð þess vísari að ég á sama afmælisdag og Kurt Weil, Dr. Seuss, Mikhail Gorbachev, Lou Reed og Bon Jovi... jú sko , ég er víst merkileg! ;)

Stríð

2007-06-22T18:06:00.000Z

Húsið mitt er umsetið af geitungum. Á hverjum degi skríða svona þrír-fjórir ógeðslegir suðandi geitungar inn um gluggana mína og ég læðist um með paranoju og hársprey á lofti til að reyna að útrýma sem flestum. Oj bara... ég hata geitunga.

geisp

2007-06-18T09:48:00.001Z

Já, það er mánudagur.

Nostalgía

2007-06-14T14:42:00.000Z

Í tilefni þess að í dag er Alþjóðlegi blóðgjafadagurinn datt ég inn á heimasíðu Blóðbankans. Sumarið 2001 var ég að vinna við kynningarmál í Blóðbankanum og samdi þá meðal annars þessi stórskemmtilegu verkefni fyrir börn og útskýringarnar sem fylgja. Úff, hvað mér finnst fyndið að skoða þetta núna! Hádegishléið mitt fór sem sagt í nostalgíu og líffræði.

Marblettir

2007-06-12T09:43:00.000Z

Fæturnir á mér eru þaktir marblettum frá tám og upp úr. Áhugaverðastur er risastór marblettur sem byrjaði á hælnum og teygði sig svo smám saman upp á ökkla... en fjólubláu táneglurnar veita honum reyndar harða samkeppni. Fótbolti er greinilega stórhættuleg íþrótt! En samt svo gaman :D

ps. Kann einhver að eyða svona leiðinlegum spam-commentum úr haloscan?

Bjór

2007-06-05T18:13:00.000Z

Síðustu helgar hef ég verið afskaplega dugleg við að dreifa bjór um bæinn. Mig grunar að ég eigi (eða hafi átt) a.m.k. einn bjór heima hjá Birnu og Einari, einn hjá Hafdísi og tvo hjá Ernu Maríu... ekki það að ykkur er velkomið að drekka þetta krakkar mínir, efast um að ég muni nokkurn tímann sækja hann ;) En vegna þessa gífurlega bjór-örlætis míns finnst mér að allir eigi að vera ógurlega duglegir að splæsa á mig um næstu helgi :D

Og já, það er þriðjudagur og ég er strax kominn með hugann við helgina...

Þess má geta Telma að þessi færsla er sérstaklega tileinkuð þér ;) nú er bara að hætta að hlusta á okkur tala um bjór og koma frekar og drekka hann með okkur!

Happy Days

2007-06-05T09:39:00.000Z

Ég er svo voðalega glöð og hamingjusöm þessa dagana... varð bara að láta ykkur vita ;)

Þetta sumar er alveg málið :)

Sumar

2007-05-30T10:55:00.000Z

Já, sumarið hætti sem betur við að hætta við að koma og það er orðið skaplega hlýtt aftur. Skilst að við eigum bráðum að fá að finna fyrir áhrifum hitabylgjunnar í Rússlandi og þar sem ég er agaleg kuldaskræfa finnst mér það hið besta mál. Bara betri ástæða til að fara í sund og borða ís, sem er að sjálfsögðu það sem sumarið snýst um. Fyrir utan að fara í ferðalög og skemmta sér, en það lítur út fyrir að það verði coverað ágætlega líka :)

Ég er komin á nýjan bíl sem er hinn ágætasti fyrir utan að mér líður agalega mikið eins og ég sé 35 ára þriggja barna móðir á leiðinni að sækja einhvern á fótboltaæfingu eða í tónlistartíma þegar ég rúnta um á honum. Þið munuð vita hvað ég á við ef þið sjáið mig einhvern tímann á honum ;) En það venst... örugglega. Allavega nóg pláss í honum, og hann er hvorki yfir tíu ára gamall né rétt að fara að gefa upp öndina eins og síðustu tveir bílar sem ég hef haft afnot af. Og hver hefði trúað því að mér tækist að skrifa tíu línur um bíla!? ekki ég...

Annars mótmæli ég hér með harðlega kommenta-letinni sem er í gangi hér! Ekki nema ein athugasemd við síðustu fjórar færslur, þarf ég kannski að halda dramatíkinni hér á hærra stigi til að þið nennið að tjá ykkur...? ;)

Kvef

2007-05-25T10:44:00.001Z

Ég hata kvef. Sérstaklega þegar það er svo margt og mikið að gerast, tónleikar, Þórir nýkominn heim, löng helgi framundan... og mig langar að vera ofur hress og skemmtileg en er bara endalaust þreytt með hausverk og sjúgandi upp í nefið. Agalega heillandi.

Panodil, te og lýsi... er það ekki málið? ;)

Þjóðvísa

2007-05-22T10:25:00.000Z

Þýtur í stráum þeyrinn hljótt,
þagnar kliður dagsins.
Guð er að bjóða góða nótt
í geislum sólarlagsins.

ótitilhæft

2007-05-16T12:30:00.000Z

Mig langar að fá einkunnir! Urr...

Ópersónulegu sagnirnar ráða ríkjum

2007-05-14T16:56:00.000Z

Mig verkjar í ljóta brunasárið sem ég fékk í síðustu viku. Akkúrat núna lítur það frekar mikið út eins og helmingurinn af skinninu á fingrinum hafi ákveðið að deyja og rotna af. Ekki geðslegt og fjandi vont.

Mig langar út í góða veðrið. Á hestbak, í sund, að spila fótbolta eða bara liggja í leti einhvers staðar og láta sólina skína á mig. Vona að það verði gott veður í allt sumar svo að ég geti gert eitthvað skemmtilegt þegar fleiri eru komnir í frí :)

Mig skortir algerlega einbeitingu við að læra. Fussumsvei. Á eftir að klára eina fjandans ritgerð sem að þýðir ekki að sitja endalaust yfir. Þyrfti að fá smá spark í rassinn til að koma mér af stað.

Mig dreymir tóma vitleysu þessa dagana. Aðfaranótt laugardagsins dreymdi mig ógurlega langloku um sjóræningja og risaeðlur sem hefði sómt sér vel í hrollvekju fyrir börn. Var ekki einhvern tímann einhver sem fékk svo miklar martraðir að hann ákvað að hafa skrifblokk við rúmið og skrifa alltaf niður draumana sína um leið og hann vaknaði og meikaði svo milljónir á því að skrifa handrit að hryllingsmyndum? Kannski það sé góð leið til að safna fyrir afborgunum af námslánunum...

Just so typically me

2007-05-10T09:30:00.000Z

Hversu mikill klaufabárður er hægt að vera á einu kvöldi? Ansi mikill greinilega þegar ég á í hlut...

Raunasagan byrjaði á því að mér þótti ekki nóg að skera niður lauk í matinn minn heldur varð ég að sneiða svolítið framan af einum fingri líka. Jæja, ekkert stórmál, slíkt gerist þegar ég og hnífar eru annars vegar svo að ég skellti bara plástri á puttann og hélt áfram að elda.

Eftir matinn ákvað ég að það væri sniðug hugmynd að færa til eins og eina bókahillu sem mér fannst ekki vera á nógu góðum stað. En efsta hillan ("þakið") var greinilega ekki sérlega vel föst og ég tók eitthvað vitlaust á henni svo að hún hreinlega rifnaði af og naglarnir, sem ekki gat þóknast að halda hillunni saman, réðust á næsta putta. Vei.

Jæja. Þegar ég var búin að skella plástri á fingur númer tvö, þrífa blóðið af hillunni og negla hana betur saman kom mamma í heimsókn svo að ég ákvað að laga kaffi. Slæm hugmynd... Það var víst eitthvað pappírssnifsi undir kaffikönnunni, sem byrjaði að brenna á hellunni með tilheyrandi brunalykt, svo að ég kippti könnunni upp til að finna út hvað væri að. En hún var auðvitað full af sjóðandi kaffi sem mér tókst að sulla yfir hendina á mér og fyrstu viðbrögð við þeim sársauka voru að leggja könnuna frá mér. Á gólfið. Sem er með plastdúk. Æjæjæj...

Svo nú sit ég uppi með plástra á fjórum fingrum, kringlótt gat í eldhúsgófinu og samsvarandi kringlótt plaststykki undir botninum á kaffikönnunni minni. Föstudagurinn þrettándi hvað...

Kosningar

2007-05-08T10:23:00.000Z

Það hringdi í mig stelpa í gær og byrjaði samtalið á því að óska mér til hamingju með kosningaréttinn. Ég tilkynnti henni, sármóðguð að sjálfsögðu, að ég væri nú búin að njóta þess réttar í þónokkur ár. Kannski hef ég verið voðalega grimm og leiðinleg, allavega voru tilraunirnar til að sannfæra mig um hvað ég ætti að kjósa, sem fylgdu í kjölfarið, frekar aumingjalegar.

Ég verð að viðurkenna að ég er agalega lítið spennt fyrir komandi kosningum. Ég nenni ekki einu sinni að fylgjast nógu vel með til að vera með á nótunum hvað það er sem hinir pólitískari vinir mínir eru að þræta um á bloggsíðum sínum. Kannski ætti ég að gera það samt, þar sem að ég hef enn voða litla hugmynd um það hvað ég ætla að kjósa. Reyndar finnst mér alltaf ógurlega lítið upp úr því að hafa hverju stjórnmálamenn lofa og hóta síðustu vikur fyrir kosningar. Mun betra að fylgjast með því hvað þeir gera af sér restina af kjörtímabilinu.

En ég tók þó allavega svona próf:
Stuðningur við Sjálfstæðisflokk: 6.25%
Stuðningur við Framsóknarflokk: 20%
Stuðningur við Samfylkinguna: 50%
Stuðningur við Vinstri-Græna: 25%
Stuðningur við Frjálslynda flokkinn: 23%
Stuðningur við Íslandshreyfinguna: 40%

Hvað ætli sé svo að marka þetta?

Tveir tímar í próf...

2007-05-06T21:11:00.000Z

Próflestur á það til að fara illa með andlegt ástand manns... Mér fannst það ótrúlega sniðug hugmynd um ellefuleytið í gær að skrifa upp latneskar fallbeygingar á fataskápinn minn (blöðin í stílabókinni voru of lítil sjáiði til). Tek það reyndar fram að þessi skápur er á leiðinni á haugana. En nú er latínan allavega búin í bili :)

Hópþrýstingur

2007-05-01T21:25:00.000Z

Ætli maður verði þá ekki bara að fara að læra eins og allir aðrir...

Pleh

2007-04-30T23:52:00.000Z

Ég virðist vera eina manneskjan sem ég þekki og er ekki að fara í próf næstu þrjá dagana. Ég sem ætlaði að reyna að hitta fólk og eiga mér líf í kvöld, svona til tilbreytingar frá síðustu dögum. En maður á eitthvað ógurlega fáa vini á þessum árstíma :(
pleh... ég fer þá bara að sofa.

Hér með auglýsist...

2007-04-27T12:34:00.000Z

...eftir fólki sem vill djamma með mér 30.apríl. Er búin að vera að vinna og læra og aðallega vinna eins og sækó síðustu dagana og mun halda því áfram fram yfir helgi svo mér veitir ekki af að hrista smá upp í því. Eruð þið ekki farin að sakna mín?

Einnig auglýsist eftir einhverjum sem vilja eiga skrifborð (ólökkuð fura, með yfirhillu fyrir tölvuskjá og skúffu fyrir lyklaborð) og sjónvarpsskáp (hvítt, plasthúðað með glerhurðum).

Allt að verða vitlaust?

2007-04-19T08:07:00.000Z

Það eru meiri fréttirnar sem maður fær að heiman. Var ekki laust við að ég fengi smá í magann þar sem ég sat í sakleysi mínu inni á bókasafni að læra og fékk sms um að Austurstrætið væri að brenna til kaldra kola. Pravda má reyndar brenna í helvíti fyrir mér, löngu kominn tími á að senda þann stað til andskotans, en verra með húsið :( Maður gerir sér samt eiginlega ekki grein fyrir eyðileggingunni fyrr en maður kemur heim og sér þetta með eigin augum. Úff púff.

Það er annars allt gott að frétta úr Danmörkinni, Kaupmannahöfn er ágæt og eiginlega langar mig ekkert heim! En maður verður víst að mæta í vinnu og eitthvað svoleiðis rugl... verð bara að láta mig hlakka til næsta veturs :)

Ekki viss um að hugurinn drífi hálfa leið

2007-04-09T23:17:00.000Z

Það er erfitt að koma sér í dugnaðar gír aftur eftir svona mikið chill frí eins og páskarnir voru hjá mér. Finn samt að þetta er alveg komið nóg af leti og mig langar að fara að gera eitthvað af viti aftur. Bara erfitt að koma sér af stað.

Til málamynda fyllti ég út einn svona klikkaðan blogg-lista sem ég hafði ekki séð áður. Ef þið skilduð vilja vita fleiri tilgangslitla hluti um mig...

1. Það er dinglað hjá þér tvö að nóttu. Hver myndir þú vilja að það væri?
- Tæpt að ég myndi vakna sama hver það væri, sérstaklega þar sem ég á ekki dyrabjöllu. En... það mætti alveg vera einhver að skipa mér að hundskast á fætur og pakka því að það ætti að bjóða mér í ferðalag og flugvélin legði af stað eftir 5 tíma ;)

2. Yfirmaður þinn segir að hann muni veita þér launahækkun ef ..?
- Ég reddi einhverju vaktaklúðri og vinni eins og sækó næstu þrjárvikurnar. Það er allavega eina tilfellið sem mér hefur verið boðin launahækkun.

3. Þú í hnotskurn?
- Kemst ekki fyrir innan í svoleiðis, þó ég sé lítil.

4. Hefur þú séð draug?
- Nei. Held ég sé voða fegin að vera laus við alla yfirskilvitlega hæfileika.

5. Ánægð/ur með líkama þinn?
- Ánægð með ýmislegt og minna ánægð með annað. Væri alveg til í að hafa þolið og magavöðvana sem ég hafði þegar ég var sextán en annars er ég búin að sættast það vel við flest að ég myndi ekki vilja breyta því.

6. Ég myndi flytja til Akureyrar ef...
- ...mér dettur ekkert í hug! Gæti samt alveg flutt þangað ef það værieitthvað issue, en meðan ég hef enga góða ástæðu til þess er best að vera ekkert að búa þær til.

7. Staður sem þú hefur búið á og saknar:
- Birkihlíðin eins og hún var þegar ég var 7-8 ára.

8. Vinna sem þú myndir aldrei starfa við, sama hvað þú fengir borgað:
- Vændi. Og örugglega fleira.

9. Hljómsveit sem þér fannst "cool" þegar þú varst 13:
- Ó mæ... þarf ég að koma upp um það? Ég var ógurleg gelgja og hlustaði á einhverja agalega gelgjutónlist. Minnist þess samt ekki að ég hafi verið hrifin af neinni ákveðinni hljómsveit fram yfir aðra...

10. Þú vaknar upp eftir slæma martröð, í hvern myndir þú hringja?
- Hringja? Ef eitthvað VIRKILEGA slæmt kæmi fyrir myndi ég sjálfsagt vekja Þóri eða mömmu, en held það þyrfti að vera eitthvað verra en martröð.

11. Langar þig að eignast börn fyrir þrítugt?
- Já. Ég er ekki frá því. spurning um að byrja á BARNI frekar en BÖRNUM samt og sjá where it goes from there.

12. Sterkasta minningin þín úr framhaldsskólanum:
- Hugsa að það sé of stutt síðan ég var í framhaldsskóla, man of mikið eftir þeim árum ennþá. Spyrjið mig eftir 30 ár ;)

13. Einhvern tímann verið ástfangin af maka vinar?
- Nei, sem betur fer!

14. Hvoru foreldra þinna líkist þú meira, móðir eða föður?
- Pabba í útliti en mömmu hvað varðar skapgerð og framkomu.

15. Eitthvað sem þú hefur alltaf viljað læra að gera:
- Alltaf er langur tími. Einu sinni langaði mig ógurlega mikið til að læra að blístra og renna mér á hjólaskautum. Núna langar mig að læra á munnhörpu og trommur.

16. Ennþá vinur fyrrverandi maka?
- Jámm.

17. Hvar myndir þú vilja vera eftir 10 ár:
- Hvar skiptir ekki svo miklu máli. Frekar með hverjum og að gera hvað... En jafnvel á þeim forsendum hef ég litla hugmynd um það, plana ekki svona langt fram í tímann!

18. Eitthvað sem þú lærðir um sjálfan þig á þessu ári:
- Maður er alltaf að læra eitthvað um sjálfan sig. Bara meðan ég var að svara þessum lista hef ég komist að því að ég svara voðalega oft spurningu með annarri spurningu eða breyti gefnum forsendum í eitthvað sem hentar mér betur og svara svo.

19. Hvað langar þig í afmælisgjöf?
- Er svo nýlega búin að eiga afmæli að ég er ekki farin að hugsa til næsta afmælis (alveg óþarfi að panika yfir 23 ára aldrinum alveg strax!!). En mig langar alveg í ýmislegt, t.d. rafmagnspíanó, saumavél, buxur, slatta af bókum og geisladiskum, fótbolta, nýja strigaskó...

20. Nefndu þrjá hluti sem þú gerðir í dag?
- Fór í búð, tók strætó og var á msn þegar ég ætti að vera samviskusöm að vinna.

21. Það síðasta sem þú verslaðir fyrir þig?
- Nesti fyrir daginn.

22. Er eitthvað hangandi undir baksýnisspegilnum í bílnum?
- Á ekki bíl. Í gamla bílnum mínum var einhvers konar laufblað úr plasi og gúmmíi.

23. Hvað fékkstu þér í morgunmat?
- Croissant og orkudrykk.

24. Hver í kringum þig er með flest húðflúr:
- Jahh... Jóhanna sjálfsagt, eða Cilia. Veit ekki um marga sem ég þekki sem eru með fleiri en eitt.

25. Hvað sefur þú að jafnaði í marga klukkutíma á sólahring?
- Svona... 6-7 oftast en allt að helmingi meira þegar ég er í fríi.

26. Hefur þú einhvern tímann verið bundinn?
- Spurning hvernig maður á að túlka þessa spurningu?! En er maður ekki alltaf bundinn einhverjum fjölskyldu- og vinaböndum, plús allar skyldurnar sem maður þykist hafa gagnvart skóla, vinnu og svoleiðis hlutum.

27. Hvað hefðir þú frekar viljað vera gera þessa stundina?
- Bendir það að ég skuli vera að svara 45 spurninga lista um sjálfa mig ekki til þess að mér detti ekkert skárra í hug að gera?

28. Hvaða nafn kemur fyrir fremst í símaskránni þinni?
- Anna.

29. Hvenær varstu síðast vitni af slagsmálum?
- Eina sem ég man mjög sterklega eftir í augnablikinu var þegar einhver gaur braut bjórglas á hausnum á öðrum gaur á Gauknum... en það eru örugglega komin 1,5-2 ár síðan. Finnst einhvern veginn að ég hljóti að hafa verið viðstödd slagsmál síðan þá.

30. Hvaða áfenga drykk drakkstu þú síðast?
- Tuborg Grön.

31. Finnst þér gott að láta toga í hárið þitt?
- Ehm... finnst einhverjum það?

32. Nefndu þrjá staði sem þú myndir vilja ferðast til:
- Krít, Japan og Perú.

33. Ertu góð/ur á skautum?
- Ekki góð. Ekkert agalega léleg samt heldur.

34. Hvað finnst þér um BRAD PITT?
- Eiginlega agalega fátt. Hef voða litla skoðun á honum. Kannski að það fari honum illa að vera með skegg...?

35. Hvaða litur er á tánöglunum þínum?
- Bara þessi venjulegi náttúrulegi. Ekki hrifin af naglalakki, hvað þá á tánöglum.

36. Við hvern talaðir þú síðast við í síma?
- Þóri.

37. Átt þú eitthvað með hauskúpu á?
- Hmm... Ekki sem ég man eftir allavega.

38. Hefur þú ferðast mikið innanlands?
- Nei, sjálfsagt frekar lítið. Nema alltaf á sömu staðina, þar sem fjölskyldan heldur til.

39. Síðasta mynd sem þú sást?
- Restin af HAM, lifandi dauðir. Búin að vera að horfa á hana í skömmtum síðan á fimmtudag.

40. Hvar varst þú þegar þú fékkst fyrsta kossinn?
- Á einhvers konar kaffihúsi/diskóteki í Englandi.

41. Síðasta spil sem þú spilaðir?
- Munchkin. Fannst það ótrúlega skemmtilegt, og vann meira að segja öllum að óvörum :D

42. Hefur þú fengið glóðarauga?
- Já, allavega tvisvar sem ég man eftir, bæði skiptin í fótbolta.

43. Á hvaða videoleigu ferð þú helst á?
- Æj, ég hef ekki hugmynd. Bónusvideó Ánanaustum sjálfsagt, eða Bónusvideó á Nýbýlaveginum.

44. Hefur þú gengið í sokkabuxum?
- Kemst maður upp með annað ef maður vill ganga í pilsi á Íslandi?

45. Þekkir þú einhvern sem er í fangelsi?
- Nei, ég þekki bara gott og löghlýðið fólk ;)

Þar hafið þið það. Ef einhver vill véfengja svörin eða bara láta mig vita hvað var agalega gaman að lesa þetta er góðfúslega bent á kommentakerfið.

Drukknandi í setningafræði...

2007-03-29T10:21:00.000Z

Þegar ég var nýbyrjuð í latínunni í haust og við hófumst handa við að læra um hið stór flókna fyrirbæri ablativus sagði kennarinn okkur frá fornmálabrautar bekk í MR sem fékk þá hugmynd að dimmitera sem mismunandi ablativusar. Þá fannst mér þetta afskaplega nördaleg pæling. Í dag finnst mér þetta aftur á móti ógurlega sniðug pæling. Út frá þjóðfræðilegu sjónarhorni mætti sjálfsagt orða þetta þannig að ég sé farin að tilheyra nýjum "hóp". Eða bara að ég sé orðinn meiri nörd en áður...

Áætlanir. Mikið af þeim.

2007-03-27T16:46:00.000Z

Ég er löt að blogga þessa dagana. Gallinn við það er að þegar mann loks langar að fara að skrifa eitthvað þá er annað hvort frá allt of mörgu að segja og þá nennir maður því varla, eða þá að það er ekki frá neinu að segja og þá nennir maður því ekki heldur. En jæja...

Ég hætti við að vera meira dugleg á Hlöðunni og ákvað að vera frekar dugleg á Árnastofnun. Ástæða? Ég ætla að eyða rúmlega einum þriðja af apríl í Danmörku og þar sem ég get tekið námsefnið með mér en öllu síður pakkað segulbandasafninu og öllum græjunum sem því tilheyra ofan í tösku er víst betra að klára sem mest af vinnuskyldunni þar áður en ég fer og geyma próflestur/verkefnavinnu frekar. Hvort ég verð svo jafn dugleg við að heimsækja bókasöfn og lessvæði KUA og ég er að plana verður svo að koma í ljós... jú, ætli það ekki, andskotinn hafi það, ef það er einhvern tímann tími til að slugsast er það víst áreiðanlega ekki síðustu tvær vikur annarinnar.

Ég þarf svo víst líka að nota tímann í Danmörku til að koma mér í viðtal hjá Thomas nokkrum Højrup (sem er þekktasti núlifandi þjóðfræðingur Dana eða þar um bil) og sannfæra hann um að ég megi sitja masterskúrs sem hann hefur yfirumsjón með að kenna næsta haust. Á maður að reyna þykjast vera ógurlega klár og tjá sig á dönsku......? Annars er allt að skýrast varðandi næsta ár, ég þarf víst að vera skráð í 10 einingar í fjarnámi plús BA ritgerð hérna heima og svo þessar 30 ETCS einingar sem er lágmark að taka til að fá að vera með í Erasmus dæminu. Sem þýðir að ég verð komin með 99,5 einingar næsta vor. Veit ekki alveg hvernig ég fór að því... lélegt skipulag alltaf hreint. En ef ég fæ að taka þetta MA námskeið fæ ég það vonandi metið inn í masterinn hérna heima og þá eru bara tvær einingar sem eru "ónýtar".

Hressandi ekki satt? Ef einhver var að velta því fyrir sér var ég s.s. að koma úr viðtalstíma hjá yfir-þjóðfræðikennaranum... eftir á að hyggja kannski ekki sniðugasti tíminn til að blogga ;D

Björtu hliðarnar

2007-03-16T19:19:00.000Z

Ég er BÚIN með handrita- og skjalalesturinn.

Allar þessar harðsperrur hljóta að skila sér í ógurlega stinnum vöðvum einhvern daginn.

Tvær vikur eru ekkert svo agalega lengi að líða.

Það er föstudagur og partý :D

Smælum framan í heiminn...

Velkomin heim

2007-03-14T21:03:00.000Z

Mér finnst alltaf jafn skondið þegar flugfreyjurnar bjóða mann velkominn heim við lendingu í Keflavík. Svo voðalega kammó eitthvað. Sama hvað við reynum að sannfæra okkur um að við séum stór og mikilvæg held ég að Íslendingar geti ekki neitað því að þeim finnst ágætt að vera smáþjóð.

Ég er sem sagt orðin 22 ára, búin að halda afmælisveislu og liggja í rúminu vegna þynnku daginn eftir, fara til Danmerkur, skoða skólann sem ég stefni á að fara í næsta vetur, labba Strikið þó nokkrum sinnum fram og til baka, sjá ógrynni af dönskum lögreglubílum og eitthvað töluvert minna af mótmælendum, reyna mitt besta til að lesa leiðabók í rigningu án þess að skemma hana og án þess að líta óhóflega mikið út eins og túristi, elda tælenskan mat (eða hjálpa til allavega), drekka einhver ósköp af tuborg og fyrst og fremst njóta þess að hafa Þóri í töluvert minni fjarlægð en venjulega :) Hvernig getið þið haldið að ég hafi haft tíma til að blogga? ;)

En allt hefur sitt gjald - frá og með gærdeginum er ég flutt upp á Bókhlöðu þar sem ég geri heiðarlega tilraun til þess að minnka heimavinnuskuldir mínar eitthvað. Bara svo þið vitið hvar þið eigið að leita þegar þið farið að sakna mín...

Þið segið það...

2007-03-01T11:19:00.000Z

Það heldur áfram að vera gaman að vera ég :)

Á morgun á ég afmæli og ætla af því tilefni að smala fólki saman á Glaumbar svona um áttaleytið, allir að láta sjá sig! Ekki verra að mæta snemma, þá eigiði séns á fríum bjór og hugsanlega afmælisköku líka ;)

Árshátíðin var æði, þó ég bíði enn í ofvæni eftir myndum (þeir taki til sín sem eiga!). Kórpartý eru alltaf snilld en þetta var óvenju mikil snilld :) Skaðaði heldur ekki að hafa Þóri á svæðinu, en hann flaug heim sérstaklega til að halda uppi fjöri og spila fyrir okkur :D Á miðvikudaginn fer ég svo til Danmerkur. Tóm hamingja á ferð :)

Eina sem ég get kvartað yfir þessa dagana er arfaslök einbeiting við heimanámið. Tekst ómögulega að koma mér í þann gír að langa til að taka viðtöl, þýða latneska texta eða læra einhverjar kenningar um stafréttar uppskriftir handrita, þrátt fyrir að sitja kvöld eftir kvöld með opnar bækur framan við tölvuna. O svei.

Now available in pink!

2007-02-17T17:52:00.000Z

Hárlitunaræði mitt á sér engin takmörk. Ég var ógurlega töff á háskólakynningu í dag með fjólubleikt hárið. Átti að vera alveg bleikt en gekk ekki alveg nógu vel að lita það þannig... varð að bakka það upp með fjólubláu. Tek það með trompi næst og verð alvöru bleik a la Solla stirða við eitthvað gott tækifæri :D

Það er gaman að vera ég í þessari viku :) Á mánudaginn verður sóprana fundur þar sem við Gulla ætlum að elda eitthvað snilldarlegt ofan í liðið - á fimmtudaginn kemur Þórir :D - og á laugardaginn er árshátíð kórsins! Ééég hlakka svo til...

Nokkuð sem ég hefði átt að auglýsa miklu fyrr

2007-02-13T23:41:00.000Z

Á morgun klukkan hálfeitt verða tónleikar í Hátíðarsal Háskólans, þar sem Háskólakórinn mun syngja átta verk eftir ung tónskáld. Allir að mæta ;)

Háskólapólitík og önnur heimska

2007-02-09T12:48:00.000Z

Gerðist pólitískt þenkjandi í gær og fór á kosningavöku Háskólalistans. Tölur bárust ekki fyrr en um miðja nótt þegar lögreglan var búin að henda okkur út af Stúdentakjallaranum og voru lesnar upp á bílastæðinu framan við Gamla garð. Sá mér svo ekki fært annað en að sýna samstöðu og mæta í eftirpartý (sem partýhaldari kaus að kalla erfidrykkju Háskólalistans) og hjálpa fólki við að drekkja sorgum sínum. Var sem sagt ekki komin heim fyrr en fjögur. En það er svo sem í lagi þar sem ég ætla að vera arfaleiðinleg og nota restina af helginni í að læra. Þið hin sem ætlið að vera hressari um helgina megið hugsa fallega til mín ;)

Víhí

2007-02-07T01:07:00.000Z

Ég er á leiðinni til Danmerkur 7.mars :D

Svona til áréttingar

2007-02-05T01:24:00.000Z

Held það sé kominn tími á að ég skrifi eitthvað jákvætt og uppbyggilegt svo að fólk hætti að halda að ég sé í einhverju þunglyndi.

Skemmtilegur hlutur númer eitt: Ég lét verða af því að downloada skype (*hvísl* allir að adda mér!) og notaði kvöldið í tilefni af því í þriggja tíma samræður við kærastann í Danmörku. You've gotta love technology :)

Skemmtilegur hlutur númer tvö: Á föstudaginn var þorrablót þjóðfræðinema... mikið fjör þó að það hafi reyndar eitthvað klikkað að dansa vikivakann. Notaði kvöldið í brjálaðar samræður við hina ýmsu aðila í staðinn, þar sem sagnfræði, Færeyjar, blóðskömm og framhjáhöld voru meðal umræðuefna. Þjóðfræðinemar eru snillingar.

Skemmtilegur hlutur númer þrjú: Í gær var svo fjólublátt þemapartý hjá háskólakórnum, og þar sem ég tek svoleiðis hluti að sjálfsögðu alltaf alvarlega mætti ég þangað fjólublá frá toppi til táar. Komið á msn ef þið viljið sjá mynd :D Kórfólk er að sjálfsögðu líka snillingar.

Þannig að lífið er s.s. nokkuð gott þrátt fyrir að inn á milli komi slæmir dagar ;)

Ólánsdagur

2007-01-30T22:26:00.000Z

Suma daga fer bara OF margt úrskeiðis. Eftir svoleiðis daga er ekkert að gera nema skríða undir sæng og vona að sá næsti verði betri...

...svona af því ég ætti að vera að læra

2007-01-29T17:57:00.000Z

Ég er með hræðilegar harðsperrur í höndunum. Klifur er samt fáránlega gaman :D En eftir tvo tíma af misvelheppnuðum tilraunum við að klifra upp 3-4 metra háa, yfirhallandi veggi er maður líka ágætlega búinn. Ég tel mig þess vegna hafa haft ágæta afsökun fyrir því að sofna klukkan hálfellefu fyrir framan sjónvarpið heima hjá Gullu... voðalega er ég skemmtilegur félagsskapur ;)

Annars er það nýjast í fréttum að ég á orðið nýjan síma. Einu sinni fyrir löngu átti ég sem sagt kanínu, sem fannst það upplagt að bíta snúruna á hleðslutækinu mínu í sundur - og þó að það hafi virkað ágætlega á sínum tíma að teipa endana saman gaf það endanlega upp öndina fyrir helgi. Ég sat sem sagt uppi með ágætan síma en ekkert hleðslutæki, og þar sem ég var svo sniðug að kaupa mér síma sem notar einhverja agalega sérhæfða tegund af hleðslutæki þá er hætt að framleiða það núna :( Ó, hvað maður elskar lögmál markaðarins stundum. But the system obviously works, þar sem ég fór og keypti nýjan síma, svo ég get víst ekki kvartað of mikið!

I've got the blues

2007-01-28T14:07:00.000Z

Þá er prófið úr blúsáfanganum mínum yndislega búið. Hefði reyndar verið töluvert yndislegra ef ég hefði mætt alla dagana og lesið allt efnið fyrir prófið, en ég náði nú samt örugglega og get jafnvel vonast eftir ekkert allt of lágri einkunn... vona ég.

Svo er ég líka endanlega hætt í vinnunni minni, eyddi síðustu tveimur vöktunum í að þjálfa eftirmann minn - sem hafði mun meiri áhuga á því að sýna mér myndir af "reverse graffiti" og einhverjum fornaldarhákörlum á netinu en að læra að gera upp reikninga. Var reyndar svolítið sorglegt að kveðja sumt af samstarfsfólkinu, sérstaklega nokkrar af þernunum sem voru voða leiðar yfir því að ég væri að hætta. Spurning hvort maður lætur plata sig í vinnu þarna aftur næsta sumar. Eða kannski er gáfulegra að láta ferli mínum í hótelbransanum bara alveg lokið, búin að vera í þessu samfellt síðan í maí 2005. Gæti annars orðið eitthvað snúið að finna almennilega sumarvinnu þar sem að ég er búin að bóka mér tveggja vikna ferð til Orlando í ágúst :D Langar í vinnu þar sem ég get stjórnað vinnutímanum sjálf og tekið mér frí þegar mér hentar...

Kexrugluð

2007-01-18T15:03:00.000Z

Það er allt að gerast...

Ég er búin að segja upp vinnunni minni og hætti væntanlega þessu hótelbraski á næstu vikum (einhver óljós uppsagnarfrestur sem þarf að vinna). Í staðinn ætla ég að halda áfram að hljóðrita og efnisskrá viðtöl á Árnastofnun, og treysti svo bara á að námslánin reddi restinni. Hlakka til að þurfa ekki framar að mæta í vinnuna klukkan átta á morgnana um helgar :D

En það gengur auðvitað ekki annað en að finna sér eitthvað að gera við allan þann frítíma sem ég mun öðlast við þetta, byrjuð á reiðtækninámskeiði með Víðar og búin að skrá mig á klettaklifursnámskeið með Bryndísi :D Svo er náttúrulega aldrei að vita nema leikferillinn fari á blússandi ferð eftir glæsileg tilþrif við upptökur á þessari líka agalega töff Homeblest auglýsingu á þriðjudaginn ;)

Kórbúðir um helgina, víhí! :D

Veikindi

2007-01-11T13:21:00.000Z

Nei, mér þótti ekki nóg að vera með hósta og hæsi, varð að ná mér í einhver almennileg veikindi líka. 39° hiti og tilheyrandi höfuðverkur, takk fyrir. Missti af helmingnum af kennslunni í blúsnámskeiðinu og er þá ekki einu sinni viss hvort ég má taka prófið. Ég gæti grátið. En það er víst gáfulegra að skríða bara aftur undir sæng og reyna að láta sér batna fyrir helgi...

Alvara lífsins

2007-01-08T19:11:00.000Z

Herbergisfélaginn er snúinn aftur til Finnlands, skólinn byrjaður (þó ég hafi nú átt örlítið erfitt með að halda mér vakandi í tíma í morgun!) og jólahelgin formlega liðin. Búin að fá allar einkunnir :D Stundataflan mín er samt enn í steik og ég veit ekki alveg hvað ég ætla að gera í því. Er sjálf í einhverri svolítilli steik, kenni takmörkuðum svefni og óhollustu um það. Gæti verið sniðugt að fara snemma að sofa í kvöld og reyna kannski að ná endanlega úr mér þessari skemmtilegu hálsbólgu sem ég náði mér víst í á nýársnótt, svona svo ég geti sungið eitthvað á kóræfingu á morgun (jeijei, kórinn er að byrja aftur!) Eða í öllu falli svo að ég mæti á réttum tíma í skólann og nái sæti þar sem ég þarf ekki að vera snúin upp á hlið með ekkert borð (asnalega, allt of litla stofa).

Er ekki einhver sem joinar sund í fyrramálið - alltaf skemmtilegra að hafa félagsskap... ;)

Gleðilegt nýtt ár öllsömul!

2006-12-31T18:27:00.000Z

Frekar fúlt að vera föst í vinnunni þegar hátíð gengur í garð á gamlárskvöld... Búin að lofa sjálfri mér því að vera í fríi að ári liðnu!

En ég óska ykkur gleðilegs árs, friðar og hamingju :) Vona að árið 2007 beri eitthvað gott í skauti sér fyrir ykkur öll... may the power be with you and the hair on your toes never fall out! ;)

Hressleiki í morgunsárið

2006-12-30T08:08:00.000Z

Ég er mætt í vinnuna eftir tveggja tíma svefn. Það er alltaf hresst. En stundum þess virði.

Jólin voru annars fín, langar samt að sofa meira. Og vinna minna. En það verður ekki á allt kosið.

Vona að þið hafið fengið fína jólapakka og að jólaboðin ykkar hafi verið skemmtileg :)

Kjáni

2006-12-21T19:15:00.000Z

Þessi fugl er kjáni. Samt mjög sætur kjáni. Hef mest samviskubit yfir því hvað ég skil hann mikið einan eftir heima meðan ég er í öllum jólaútréttingunum. En hann skemmtir sér allavega vel þegar ég kem heim og hann fær að fara út. Finnst sérstaklega gaman að klifra í fötunum mínum og naga þau. Og borða aðventukransinn. Er alveg að verða búin að ljúka jólainnkaupum. Og í kvöld er litlujóla partý hjá kórnum. Voru líka lítil jól hjá Þjóðbrók í gær. Nóg að gera :)

Einn talandi páfugl á grein

2006-12-20T04:16:00.000Z

Já, ég á orðið páfagauk. Þar sem ég bý í leiguhúsnæði og má ekki vera með nein gæludýr sem fara úr hárum ákvað ég að skella mér á eitt sem fer bara úr fjöðrum. Hann (þetta er að öllum líkindum strákur) er um átta vikna og heitir Cicero. Nördalegt nafn, ég veit, og hann ber það með stolti. Hann er reyndar ekki orðinn talandi páfugl ennþá... en finnst aftur á móti afskaplega gaman að syngja með allri tónlist sem ég spila, sérstaklega ef það er eitthvað klassískt með fiðlum og flautum.

urr urr

2006-12-18T16:08:00.000Z

Það er ekki sérlega margt sem reitir mig til reiði. En fólk sem keyrir eins og hálfvitar er eitt af því sem getur gert mig virkilega reiða.

Ég keyrði austur í morgun og þar sem ég er að fara upp á nýju mislægu gatnamótin við Suðurlandsveg/Vesturlandsveg tekur fram úr mér jeppi á þvílíkri ferð og það nálægt mér að ég varð að sveigja út í vegkantinn (þetta er á svona stað þar sem tvær akreinar renna í eina). Fyrir framan mig, og nú fyrir framan jeppann, voru tveir vörubílar og eftir að hafa sikk sakkað fyrir framan mig í svona hálfa mínútu komst ökumaður jeppans að þeirri niðurstöðu að hann mætti ekki vera að því að bíða eftir að umferðin á móti gæfi honum færi á að taka fram úr vörubílunum heldur hentist sjálfur út í vegkantinn hægra meginn og brunaði fram úr þar.

Arg, hvað ég var reið! Er ekki nóg að þrjár manneskjur hafi dáið og lítill strákur lamast upp að mitti síðustu tvær vikur vegna óvarlegs framúraksturs? Hvað þarf að gerast til að berja smá skynsemi inn í hausinn á fólki? Við getum ekki þurft að flýta okkur svona mikið.

Þarf að fara að gera jólainnkaupin

2006-12-17T09:30:00.000Z

Tók mig til og labbaði í vinnuna í morgun. Kom reyndar til af illri nauðsyn, þar sem að Gulla endaði óvart með bíllyklana mína eftir gærkveldið, en var engu að síður afskaplega hressandi og heilsusamlegt. Vel þess virði að velta því fyrir sér af hverju maður gerir þetta ekki oftar...

Held það sé aðallega svefnpurkuháttur, nenni ekki fram úr hálftíma fyrr en ég kemst upp með þegar ég fer á bíl. En úr því mér tókst það í morgun, eins lítið og ég er búin að sofa síðustu nætur, þá ætti það nú að ganga eftir fullan nætursvefn. Á göngu minni eftir Blómvallagötunni heyrði ég vekjaraklukku bölsótast við opinn glugga í að minnsta kosti tvær mínútur áður en eigandinn bærði á sér... einhvern veginn var illgirnislega notalegt að vita að það ættu fleiri erfitt með að rífa sig á fætur en ég.

Annars er þetta síðasti vinnudagurinn minn á Hótel Klöpp!! Nema ég asnist til að taka aukavakt hér eða skipta við einhvern, sem ég ætla að reyna að halda í lágmarki. Eftir jól fer ég á hið nýja Hótel Þingholt þar sem ég fæ að ganga í einkennisbúningi og díla við gesti sem tíma að borga þrjátíuþúsund fyrir hótelherbergi án morgunverðar. Vei! En það verður ágætt að breyta til og endurnýja kannski metnað sinn í þessu starfi.

Vika til jóla... jahá!

Öll við skulum gleðjast...

2006-12-15T16:21:00.000Z

Jamm - ég er búin í prófum :D Hefði nú kannski sumt mátt ganga betur, en sjálfsagt var þetta nokkurn vegin eins og ég átti skilið miðað við dugnað minn... nú bíður maður bara með krosslagða fingur eftir einkunnum, sem koma þó varla fyrr en eftir jól.

Samt búin að gera ýmsilegt annað en að lesa síðustu 12 daga, fór í jólaleiðangur í Garðheima með Bryndísi og keypti mér jólablóm, horfði á Love Actually með Þóri, fór á skauta á Ingólfstorgi með Gullu, á "pöbbarölt" með kórfólki síðustu helgi og þynnku-bandí daginn eftir!

Bara tveir vinnudagar og svo er ég komin í jólafrí, gaman gaman :D Tók mig til eina nóttina (þegar ég átti að vera að lesa undir próf) og tók þvílíkt vel til og skreytti heima hjá mér svo að það er ekkert því til fyrirstöðu að komast í jólaskap: fara að útbúa jólakort, klára jólainnkaupin, leika jólasvein (jamm, hvað gerir maður ekki fyrir foreldra sína sem eru grunnskólastjórnendur?) og skipuleggja eitt stykki Litlu-jól. Einhver sem langar að hjálpa mér við eitthvað af þessu? ;)

Það er kominn desember

2006-12-03T17:51:00.000Z

Jæja, jæja, eigum við ekki bara að segja að bloggleysi stafi af hörkudugnaði mínum við heimanámið? ;)

Allavega eru tvær ritgerðir í höfn og sú þriðja ekki svo langt undan landi, fáránlega uppsett próf í Hátíðum, leikjum og skemmtunum sömuleiðis frá og allri kennslu lokið... Eftir að ég verð búin að skila síðustu ritgerðinni á morgun verð ég glöð, hver veit nema ég setji bara upp jólaljós jafnvel í gleði minni :D og á föstudaginn um hádegi verð ég enn glaðari, þá verður allt búið nema latínan (og mér hlýtur nú að takast að læra fyrir hana á heilli viku) og þá mun jólaskapið halda innreið sína fyrir alvöru :)

Hlakka til að versla fyrir jólin, kveikja á kertum, pakka inn gjöfum, skreyta jólatré, fara á hestbak (Víðar verður tekinn í bakaríið um leið og ég fer í frí), baka lagtertu, syngja jólalög, ganga með jólasveinahúfu og óska fólki gleðilegra jóla...

Speaking words of wisdom

2006-11-26T14:11:00.000Z

Bara að láta vita að ég er enn á lífi og ekki drukknuð í lærdómi, reyndar búin að gera heldur minna af því að læra en ég hefði helst átt! Samt alveg búin að vera soldið dugleg... ekki alveg nógu dugleg til að koma mér í gott skap kannski eins og planið var í síðustu færslu, en í þessari viku er bara að duga eða drepast - fyrsta próf á fimmtudag!

En það voru fínir tónleikar í gær, gekk bara ótrúlega vel held ég :) Borðuðum saman og fórum svo í partí, mjög gaman, enda er svo skemmtilegt fólk í þessum kór :D

...og svo er bara mánuður í jól?!

Eirðarleysi og ófærð í Reykjavík

2006-11-20T17:39:00.000Z

Nú er alvöru snjór í Reykjavík... með tilheyrandi skemmtilegheitum í umferðinni þar sem annar hver bíll er á sumardekkjum og önnur hver gata falin undir sköflum. Bíllinn minn var einmitt inni í einum slíkum skafli í gær, svo við gátum skemmt okkur við að moka hann út... og tókst síðan að festa hann í einhverri botnlangagötu. Og samt er ég á nöglum!

Annars tókst mér líka að krækja mér í veikindi í snjónum... það er sem sagt ansi takmarkað sniðugt að vaða skafla berfættur í sandölum, þó mér hafi fundist það góð hugmynd á sínum tíma.

Og með hálsbólgu, hita og hósta undir sæng í gær fékk ég fyrsta panic kastið yfir því að þessi önn væri að verða búin og ég yrði væntanlega að fara að gera eitthvað dramatískt í málunum ef ég ætlaði að klára hana með ásættanlegum árangri... sem leiddi svo af sér frekar dapurt andlegt ástand þar sem ég sat og vorkenndi mér yfir því að vera búin að koma mér í þetta klandur og lét allt fara í taugarnar á mér (já, ég á það til að fá svona "allt er ómögulegt" köst þegar ég er lasin og leið). Eeeeen.... það dugar víst ekki að væla og gera ekkert í málunum. Mun líklegra að skapið batni ef ég pakka eirðarleysinu, kæruleysinu og einbeitingarleysinu niður og dríf mig í að ljúka þessu með stæl!

Engin ástæða til að láta sér leiðast þegar þrjár ritgerðir og jafnmörg próf bíða manns... er það nokkuð? ;)

Vonda veður alltaf hreint

2006-11-16T08:52:00.001Z

Held ég sé ekki að ýkja þó ég haldi því fram að það sé búið að vera einstaklega brjálað veður í haust. Ef það er ekki úrhellisrigning þá er rok svo jaðrar við stormviðvörunum eða 10 stiga frost - eða bara hvort tveggja eins og í dag. Elsku Ísland.

Eftir mánuð verð ég búin í prófum. Hjálp! Einbeiting til ritgerðarskrifa óskast, helst gefins...

Zetu syndrómið

2006-11-13T19:43:00.000Z

Hvað er málið með Z? Einu orðin sem mér finnst eðlilegt að setja zetur í eru "pizza" og "bezt" í samhenginu "Ísland - bezt í heimi". Getur reyndar kannski verið töff á nördalegan hátt að nota zetur eftir gömlu stafsetningareglunum, ef maður kann þær nógu vel til að gera það rétt (sem ég kann ekki).

Aftur á móti virðist óskaplega margt fólk í kringum mig ganga í gegnum einhvers konar z-tímabil, þar sem þykir voðalega töff að setja zetur í sem flest samhengi. MH-inga vinahópurinn minn tók upp á þessu einn veturinn, sjálfsagt annan veturinn sem ég var þar, og þá var enginn maður með mönnum nema honum tækist að klína eins og einni, helst tveimur, zetum inn í nafnið sitt. Litlu systur mínar eru heldur fyrr í að taka þetta úr, en þær eru núna búnar að stofna "saunghóp" með því skemmtilega nafni "angelz girlz". Já, hvað er málið með Z?

Yfir fannhvíta jörð

2006-11-11T20:00:00.000Z

Það er alhvít jörð í Reykjavík í kvöld. Nágrönnum mínum á Kaplaskjólsveginum hefur greinilega fundist þetta hið besta tilefni til að skella upp jólaseríum í eins og þrjá glugga. Eru jólin virkilega farin að nálgast svona mikið? Annars finnst mér snjórinn fallegur, verst með bölvaða hálkuna.

ps. ég er alveg rétt að fara að verða móðguð yfir kommentaleysi... where are you people?

Blaut um hárið

2006-11-09T22:29:00.000Z

Það er brjáluð rigning. Ég fékk þá snilldar hugmynd klukkan korter yfir níu að skreppa út á Bókhlöðu til að sækja eina bók sem ég var búin að sjá út að gæti verið sniðugt að lesa og þrátt fyrir vont veður fannst mér ekki taka því að fara á bíl... Endaði auðvitað á því að þegar ég kom inn á safnið lak af mér rigningin og ef ég hefði verið með sjampó brúsa í vasanum hefði ég líkast til getað þvegið á mér hárið á leiðinni heim.

En leigði allavega fjórar gáfulegar bækur sem ættu að auka mér gleði um helgina - hef ákveðið að sýna einstakan dugnað og læra alla helgina, veitir sjálfsagt ekki af þar sem að það verður tómt djamm næstu tvær helgar þar á eftir og svo bara vika í próf!!

Verið svo góð lömbin mín og ekki gera neitt af ykkur um helgina sem ég myndi ekki gera... ;)

Endurtekið efni

2006-11-05T19:47:00.000Z

Þegar maður vaknar við það að heyra varla í vekjaraklukkunni fyrir roki og rigningu er ekki sérlega freistandi að fara fram úr. Bölvuð sunnudagsvinna alltaf hreint. Reyndar mun minna mygluð í dag en í gær, 12 tíma vinnudagar eftir svefnlausar nætur eru heldur ekki freistandi. Allavega búin að komast að því að ofneysla orkudrykkja er sjálfsagt best í hófi... ;) Og svo á ég nú reyndar eftir þessa helgi þrjár fríhelgar í röð þannig að það er best að kvarta ekki of mikið! :)

Annars er ég búin að búa mér til myndaalbúm á netinu... vá, hvað webshots hefur breyst mikið (til batnaðar) síðan ég átti svona albúm síðast. En allavega, ef þið viljið kíkja á hestamyndir og kórpartýmyndir - þá er það community.webshots.com/user/sigrunisl... Mun svo örugglega bæta fleiri myndum inn fljótlega :)